Tojikiston o'z tarixida birinchi marta BMT Xavfsizlik Kengashining doimiy bo'lmagan a'zoligiga 2028–2029 yillar uchun nomzodini ilgari surdi. Bu haqda respublika tashqi ishlar vaziri Sirojiddin Muhriddin Nyu-Yorkda bo'lib o'tayotgan BMT Bosh Assambleyasining 81-sessiyasida so'zlagan nutqida ma'lum qildi.
Qozog‘iston shaxmat federatsiyasi prezidenti Timur Turlov Xalqaro shaxmat federatsiyasining (FIDE) yangi rahbari etib saylandi. Saylov 26-sentabr kuni Samarqandda bo‘lib o‘tayotgan 46-Butunjahon shaxmat Olimpiadasi doirasidagi tashkilot Bosh assambleyasida o‘tkazildi.
O‘zbekiston Prezidenti Shavkat Mirziyoyev Qozog‘iston Prezidenti Qosim-Jomart Toqayevga va Qozog‘iston xalqiga Kaspiy dengizida bo‘lib o‘tgan harbiy mashg‘ulotlar chog‘ida harbiy xizmatchilarning halok bo‘lishi munosabati bilan hamdardlik bildirdi. Davlat rahbari halok bo‘lganlarning yaqinlari va qarindoshlariga hamdardlik va madad so‘zlarini yetkazib, ularga sabr-toqat va matonat tiladi.
Qozog‘iston Mudofaa vazirligi ma’lum qilishicha, Kaspiy dengizida 24-sentabr kuni sodir bo‘lgan fojia oqibatida bedarak yo‘qolgan yana ikki harbiy xizmatchining jasadi topildi. Qidiruv-qutqaruv ishlari 25-sentabr kuni ertalab yakunlandi.
Qozog'istonning Aqtau shahrida Kaspiy dengizi sohilida o'tkazilgan "Hazar Qorg'ani – 2026" harbiy mashg'ulotlari chog'ida harbiy xizmatchilarning halok bo'lishi yuzasidan besh nafar mansabdor shaxs hibsga olindi. Qozog'iston Ichki ishlar vazirligi ma'lumotlariga ko'ra, hibsga olinganlar orasida Harbiy-dengiz kuchlari bosh shtab boshlig'i – bosh qo'mondonning birinchi o'rinbosari, ikkita harbiy qism komandiri, shuningdek, dengiz piyodalari rotasi va kater komandirlari bor.
O‘zbekiston, Toshkent – AN Podrobno.uz. 25-sentabr kuni ertalab Sirdaryo viloyatidagi yangi issiqlik elektr stansiyasida 1600 megavatt quvvatning avariyaviy o‘chirilishi nafaqat O‘zbekistonning ayrim hududlarida, balki Qozog‘istonning bir qismida ham elektr ta’minotida uzilishlarga sabab bo‘ldi.
Qozog‘iston Prezidenti Qosim-Jomart Toqayev 25-sentabrni Kaspiy dengizida bo‘lib o‘tgan harbiy mashg‘ulotlar chog‘ida halok bo‘lgan harbiy xizmatchilar uchun umummilliy motam kuni deb e’lon qildi. Bu haqda Podrobno.uz xabar bermoqda.
Qozog‘iston Mudofaa vazirligi 24-sentabr kuni Mang‘istau viloyatida Harbiy-dengiz kuchlarining mashg‘ulotlari vaqtida 19 nafar harbiy xizmatchini Kaspiy dengizi oqizib ketgani haqida rasmiy xabar berdi. Ushbu fojia mamlakat harbiy tarixidagi eng og‘ir hodisalardan biri sifatida baholanmoqda.
Qirg‘iziston parlamenti – Joqorg‘u Kenesh bugun, 24-sentabr kuni “Qirg‘iziston Respublikasi prezidenti saylovini tayinlash to‘g‘risida”gi qaror loyihasini ko‘rib chiqib, uni qabul qildi. Qarorga ko‘ra, navbatdagi prezident saylovi amaldagi davlat rahbari vakolati tugaydigan yilda, ya’ni 2027-yil 27-yanvarda – yanvar oyining to‘rtinchi chorshanbasida bo‘lib o‘tadi. Bu haqda Joqorg‘u Kenesh matbuot xizmati xabar berdi.
Ozarbayjonning Qorabog‘ iqtisodiy hududidagi “Qizilgaya” o‘quv-mashg‘ulot markazida Ozarbayjon, Turkiya va O‘zbekiston harbiy xizmatchilari ishtirokida “Birlik kuchi – 2026” qo‘shma harbiy mashg‘ulotlariga start berildi. Bu haqda O‘zbekiston Mudofaa vazirligi xabar qildi.
Toshkent – Jahon meteorologiya tashkiloti (JMT) tadqiqotchilari Markaziy Osiyoda suv zaxiralari va muzliklar massasining qisqarayotgani haqida xabar berdi. Mutaxassislar so'nggi besh yillik ko'rsatkichlarni 1991–2020 yillar oralig'idagi ma'lumotlar bilan solishtirib o'rganishdi.
Ufa shahridagi Oktyabr tuman sudi 28 yoshli O‘zbekiston fuqarosi ustidan hukm chiqardi. U Shacman rusumli og‘ir yuk mashinasini boshqarib, Ufa shossesida 12 ta avtomobil ishtirok etgan yirik yo‘l-transport hodisasiga sabab bo‘lgan. Halokat natijasida uch kishi hayotdan ko‘z yumdi, yana bir yo‘lovchi og‘ir tan jarohati oldi. Sud ayblanuvchini aybdor deb topib, uni 9 yil muddatga ozodlikdan mahrum qildi.