Germaniya Yaponiya, Buyuk Britaniya va Italiya ishtirokidagi GCAP qiruvchi samolyot dasturiga qo'shilish ehtimolini jiddiy ko'rib chiqmoqda. Berlin bu borada oxirgi qarorga kelishga shoshilmayotgan bo'lsa-da, kansler Fridrix Mers Tokioda masalani chuqur o'rganish bo'yicha ko'rsatma tayyorligini bildirdi. Ushbu qadam Yevropa mamlakatlarining mudofaa sohasidagi tizimli muammolari va mavjud loyihalardagi muvaffaqiyatsizliklar fonida yuzaga kelayotgani diqqatga sazovordir.

Mersning so'zlariga ko'ra, Yaponiya bosh vaziri Sanae Takaiçi bilan uchrashuvdan so'ng ikki mamlakat o'rtasida mudofaa va ilg'or texnologiyalar sohasidagi sheriklikni kengaytirish imkoniyatlari muhokama qilingan. Biroq, Germaniya rejimi o'zining ichki iqtisodiy qiyinchiliklari va texnologik kelishmovchiliklari sababli hali aniq to'xtamga kelmagani aytilmoqda. Yaponiya tomoni esa Berlindan joriy yilning oxirigacha aniq javob olishni talab qilayotgan bo'lsa-da, Mers bu qisqa muddatda qaror qabul qilish qiyinligini taxmin qilmoqda.

Eslatib o'tamiz, avvalroq Germaniya, Fransiya va Ispaniyaning FCAS loyihasi tomonlar o'rtasidagi keskin raqobat va ishlab chiqarish ulushlarini taqsimlay olmaslik kabi muammolar tufayli deyarli barbod bo'lgan edi. Shuningdek, Yevropa davlatlari o'rtasidagi harbiy-sanoat hamkorligidagi bu kabi ziddiyatlar ularning global qurol-yarog' bozoridagi mavqeiga putur yetkazishi mumkinligi ta'kidlanmoqda.

Source: kun.uz