Yevropa ittifoqi Kanadaning birlashmadagi “assotsiatsiyalashgan a'zosi” maqomini olish g'oyasidan rasman voz kechgani xabar qilinmoqda. Germaniyaning dpa va Reuters axborot agentliklari tarqatgan ma'lumotlarga ko'ra, Kanada va YI o'rtasidagi qo'shma bayonot loyihasidan tegishli bandlar olib tashlangan.

Ushbu o'zgarishlar Monreal shahrida boshlanishi kutilayotgan YI-Kanada sammiti oldidan sodir bo'ldi. Ma'lum qilinishicha, sentabr oyida Yevrokomissiya rahbari Ursula fon der Lyayen Kanadani YI tarkibiga birinchi “assotsiatsiyalashgan a'zo” sifatida qo'shilish ehtimolini o'rtaga tashlagan edi. Bu qadam go'yo AQSh rahbariyati siyosatidan uzoqlashishga qaratilgan harakat sifatida baholangandi.

Biroq, diplomatik manbalarga tayanib xabar berilishicha, ushbu taklif YI mamlakatlari o'rtasida jiddiy norozilik va munozaralarni keltirib chiqargan. Xususan, Germaniya kansleri Fridrix Mers boshchiligidagi bir qator Yevropa yetakchilari loyihadan bu atamalarni olib tashlashni qat'iy talab qilgan. Natijada, tomonlar e'lon qilishi kutilayotgan bayonotda faqatgina “yanada yaqin aloqalar” haqidagi umumiy iboralar saqlanib qolgan.

Yevropa rejimi va Kanadaning bu kabi harakatlari Vashington tomonidan keskin tanqidga uchragandi. Xususan, AQSh prezidenti Donald Tramp YI tashabbusini “kulgili” deb atab, agar buni dushmanona harakat deb baholasa, Yevropa bilan savdo aloqalarini to'xtatishi mumkinligi bilan tahdid qilgan edi. Shunga qaramay, Kanada rahbariyati AQShga bo'lgan iqtisodiy qaramlikni kamaytirish yo'llarini izlashda davom etmoqda.

Source: www.aljazeera.com