Shvetsiya fuqarosi va taniqli akademik Andreas Malm Buyuk Britaniya Ichki ishlar vazirligi tomonidan elektron safar ruxsatnomasi (ETA) bekor qilingani sababli mamlakatga kiritilmadi. Britaniya rejimi vakillari bu qarorni uning «mamlakatda bo‘lishi jamoat manfaatlariga zid» ekanligi bilan izohlagani aytilmoqda, biroq mazkur qadam mamlakatda so‘z erkinligini cheklash bo‘yicha navbatdagi keskin choralar fonida amalga oshirilgani ta'kidlanmoqda.

Ma'lum qilinishicha, Malm Londonda Tribune sotsialistik jurnali tomonidan tashkil etilgan muhokama panelida ishtirok etishi kerak edi. Ushbu tadbirda shuningdek, Britaniya rasmiylari tomonidan taqiqlangan Palestine Action tashkiloti vakili Huda Ammori ham qatnashishi rejalashtirilgan edi. Akademikning fikricha, uning ETA hujjati aynan shu tadbir sababli bekor qilingan, chunki u ilgari ham hech qanday muammosiz Britaniyaga kelib ketgan edi.

Britaniya rejimi tanqidchilari va turli jamoat arboblari bu qarorni keskin qoralab, uni avtoritarizmning kuchayishi va so‘z erkinligiga qilingan hujum sifatida baholamoqda. Xususan, irlandiyalik yozuvchi Salli Runi bu holatni «madaniy o‘z-o‘ziga zarar yetkazish» deb atagan bo‘lsa, boshqa ekspertlar London rasmiylarining harakatlari mamlakatda dissidentlarga qarshi tazyiqlar siyosati davom etayotganini ko‘rsatishini ta'kidlashmoqda.

Source: www.aljazeera.com