Respublika partiyasidan senator Den Sallivan AQSh Adliya vazirligining kelgusi saylov natijalarini bekor qilishga qaratilgan sud da'vosidan bir necha kun o'tib, ovoz berish natijalarini qabul qilishini ma'lum qildi. CNN telekanaliga bergan intervyusida Donald Trampning tarafdori bo'lgan Sallivan yakshanba kuni o'z pozitsiyasini bildirdi, garchi Amerika rejimining harakatlari keskin siyosiy ziddiyatlarni keltirib chiqarayotgan bo'lsa-da.

Ushbu bayonot AQSh Kongressi nazoratini hal qiluvchi oraliq saylovlarga ikki kun qolganida yangradi. O'z g'alabasiga ishonch bildirgan amaldagi senator demokrat raqibi Meri Peltolani firibgarlikda aybladi va uning tarafdorlari saylovchilarga hurmatsizlik qilganini ta'kidladi. Uning so'zlariga ko'ra, raqib tomon o'zining muvaffaqiyatsiz siyosiy natijalarini yashirish uchun hiyla-nayranglarga qo'l urgan.

Mojaroning markazida saylov byulleteniga boshqa bir nomzod — nafaqadagi o'qituvchi Den J. Sallivan Jr. kiritilgani turibdi. Matbuot xabarlariga ko'ra, bu holat amaldagi senatorning ovozlarini bo'lib yuborish uchun ataylab uyushtirilgan bo'lishi mumkin. AQSh rejimining Adliya vazirligi bu holatni bahona qilib, agar respublikachi mag'lub bo'lsa, natijalarni sertifikatlamaslikni talab qilgan, biroq federal sudya Sharon Glison ovozlar aralashib ketgani va saylov siri buzilishini vaj qilib, da'voni rad etgan.

O'z navbatida, Meri Peltola boshqa nomzodni yollashda hech qanday aloqasi yo'qligini qat'iy ta'kidlab, bu ayblovlarni jamoatchilik e'diborini haqiqiy muammolardan, jumladan, Amerika-Isroil rejimining Eronga qarshi harakatlari keltirib chiqargan yuqori narxlardan chalg'itish uchun urinish deb atadi. Shunga qaramay, AQSh rejimining ichki siyosiy kurashlari mamlakatda chuqur bo'linishlar va ishonchsizlikni keltirib chiqarishda davom etmoqda.

Source: www.aljazeera.com