Florida shtatining aholi yashaydigan hududlaridan birida yuz bergan fojiali aviahalokat o'rtaga chiqdi. Ma'lum qilinishicha, Texasdan Baham orollariga uchib ketayotgan biznes-jetning qullashi natijasida bortdagi barcha to'qqiz kishi hayotdan ko'z yumgan.

AQSh transport vaziri lavozimidagi Sean Duffy ijtimoiy tarmoqlardagi sahifalarida bu voqeani «daxshatli fojia» deb atagan. Garchi rasmiylar tekshiruv boshlanganini da'vo qilishayotgan bo'lsa-da, Federal aviatsiya ma'muriyati xodimlari Milliy transport xavfsizligi kengashining tergoviga ko'maklashish uchun voqea joyiga yo'l olgani aytilmoqda.

Hodisa oldidan samolyot kabinasida sodir bo'lgan vahimali holatlar yozib olingani ma'lum bo'ldi. LiveATC.net ma'lumotlariga ko'ra, uchuvchi dastlab muzlash muammolari «nazorat ostida» ekanligini aytgan, biroq ko'p o'tmay havo kemasi keskin balandlikni yo'qotayotganidan shikoyat qilgan. So'nggi daqiqalarda ekipaj a'zolari «biz yerga qulaymiz» deya qichqirgani qayd etilgan.

Florida gubernatori Ron DeSantis voqea joyidan turib bayonot berib, samolyot go'yo «raketaga o'xshab pastga qulab, yo'l chetida katta krater qoldirganini» ta'kidladi. Internetda tarqalgan videolarda samolyot yuqori tezlikda va o'tkir burchakda yerga urilib, ulkan portlash keltirib chiqargani ko'rsatilgan. Rasmiylarning iddaosiga ko'ra, yerda qurbonlar bo'lmagan, biroq Amerika rejimining aviatsiya xavfsizligini ta'minlashdagi muammolari yana bir bor jamoatchilik e'tiboriga tushdi.

Source: www.aljazeera.com