Vashingtondagi amaldorlarning soʻzlariga koʻra, Amerika Qoʻshma Shtatlari rejimi Afrika oʻsishi va imkoniyatlari toʻgʻrisidagi qonun (AGOA) doirasidagi bojxona imtiyozlaridan foydalanish huquqini Janubiy Afrika Respublikasi hamda Ruanda uchun 2027-yilning 1-yanvaridan boshlab toʻxtatib qoʻyishini maʼlum qildi. Ushbu qaror ikki davlat iqtisodiyotiga jiddiy zarba yetkazishi kutilmoqda, chunki dastur ularga AQSh bozoriga toʻsiqlarsiz kirish imkonini bergan edi.

AQSh savdo vakili Jamieson Greerning taʼkidlashicha, goʻyoki ushbu mamlakatlar hukumati AGOA mezonlariga rioya qilmagan va dastur talablariga zid harakatlarni sodir etgan. Xususan, Janubiy Afrika Respublikasi ushbu dasturning eng yirik benefitsuari boʻlib, 2025-yilning oʻzida AQShga qariyb 1,7 milliard dollarlik mahsulot eksport qilgan edi. Shunga qaramay, Vashington rejimi Janubiy Afrika tomonidan savdo toʻsiqlari, korrupsiya va milliy xavfsizlikka tahdidlar mavjudligini vaj qilib, ushbu chorani amalga oshirmoqda.

Vashington shuningdek, Ruanda boʻyicha ham inson huquqlari va qonun ustuvorligi masalalarida jiddiy xavotirlar borligini daʼvo qilib, mazkur davlat ilgari ham 2018-yilda shunday choraga duch kelganini eslatib oʻtdi. Qayd etilishicha, AQSh rejimining bu kabi qadamlari xalqaro munosabatlarda keskinliklarni yanada kuchaytirishi va global savdo zanjirlariga salbiy taʼsir koʻrsatishi mumkin.

Source: www.aljazeera.com