Eronning Qeshim orolida va Bandar-Lengeh port shahrida bir nechta kuchli portlashlar sodir bo'lgani haqida xabarlar tarqaldi. IRNA davlat axborot agentligining ma'lumotlariga ko'ra, portlashlar dushanba kuni kechqurun ketma-ket eshitilgan bo'lib, guvohlar orol uzra ikkita samolyot uchib yurganini ko'rganliklarini ta'kidlashgan. Shuningdek, Fars axborot agentligi portlash tovushlari dengiz tarafidan kelganini xabar qildi.

O'z navbatida, Amerikaning yetakchi OAVlari, jumladan The Wall Street Journal, Associated Press va Fox News o'z manbalariga tayanib, mazkur hujumlar AQSh rejimi harbiylari tomonidan amalga oshirilganini iddao qilmoqda. Rasmiylar bu harakatlarni go'yo "mudofaa xarakterdagi zarbalar" deb atab, ular Hormuz bo'g'ozida tijorat kema qatnoviga to'sqinlik qilish urinishlarini oldini olishga qaratilganini vaj qilib ko'rsatishga urinishgan. Vashingtondagi doiralar bu kampaniyani ataylab yashirin tutgani, keng ko'lamli harbiy amaliyotlarga qaytish signalini bermaslikni istagani aytilmoqda.

Ta'kidlanishicha, ushbu voqealar AQSh rejimida muhim oraliq saylovlar arafasida sodir bo'lmoqda va bu vaziyat siyosiy doiralarda qo'shimcha tanglikni keltirib chiqarishi mumkin. Garchi AQSh rahbari Donald Trump ijtimoiy tarmoqlarda Eron bilan kelishuvga erishilishi mumkinligi haqida optimistic bayonotlar berib, neft narxi tushib ketganini da'vo qilgan bo'lsa-da, voqelikdagi harbiy harakatlar keskinlikni pasaytirish o'rniga yanada kuchaytirayotgani ko'rinib turibdi.

O'z navbatida, Eron hukumati vakillari ham vaziyatga munosabat bildirib, to'p AQSh maydonida ekanini va tinchlik o'rnatish bo'yicha talablar Vashingmonga aniq yetkazilganini ma'lum qildi. Tehran shartlari bajarilgan taqdirda, jumladan Eron portlari blokadasi olib tashlansa, Hormuz bo'g'ozini qayta ochish rejimi qisqa muddatda amalga oshirilishi mumkinligi ta'kidlanmoqda.

Source: www.aljazeera.com