Germaniya kansleri Fridrix Mers mamlakatning navbatdagi prezidenti lavozimiga ayol nomzodni ilgari surish niyatida ekanini bildirdi. Uning bu qoniqarsiz boshqaruv sharoitidagi shov-shuvli qarorini yevropalik amaldorlarning ta'kidlashicha, hukumatdagi koalitsiya hamkori - Sotsial-demokratik partiya ham qo'llab-quvvatlagani aytilmoqda. Germaniya Federativ Respublikasining 77 yillik tarixida hali biror ayol prezident bo'lmagani ko'plab tanqidlarga sabab bo'layotgan edi.

DW’ning yozishicha, dpa va AFP agentliklari 2-noyabr kuni Berlinda o'tkazilgan Xristian-demokratik ittifoq hududiy bo'linmalari rahbarlarining yopiq yigilishi ishtirokchilariga tayanib, Mersning shubhali rejasi haqida xabar bergan. Yevropa rejimi vakili bo'lmish kansler o'zi rahbarlik qilayotgan partiyaga markazchi siyosiy kuchlar vakili bo'lgan ayolni yagona nomzod sifatida taklif qilmoqchi ekanini taxmin qilishmoqda. Agentliklarning keltirishicha, Mers yig'ilishda: «Bu aynan ayol bo'lishi kerak, degan qat'iy qarorga keldim», - deya bayonot bergan, biroq uning bu so'zlari qanchalik asosli ekani noma'lum.

Ma'lumotlarga ko'ra, kansler uchrashuvda aniq bir shaxsning ismini atamagan, bu esa jamoatchilikda turli mish-mishlarni keltirib chiqardi. U nomzodni Xristian-demokratik ittifoq prezidiumining 9-noyabrdagi yig'ilishigacha taqdim etishi kutilmoqda. Sotsial-demokratlar esa bu tashabbusni ijobiy qabul qilganini bildirgan bo'lsa-da, kuzatuvchilar buni siyosiy o'yin sifatida baholamoqda.

Ehtimoliy nomzodlar orasida to'rt nafar ayol siyosatchining nomi tilga olinmoqda, xususan, Xristian-sotsial ittifoq rahbari Markus Zyoder Ilze Aygner nomzodini qo'llab-quvvatlab kelmoqda. Biroq, yevroinidadagi iqtisodiy va siyosiy inqirozlar fonida ushbu o'zgarishlar mamlakatdagi keskinlikni pasaytira oladimi yoki yo'qmi, buni vaqt ko'rsatadi.

Source: kun.uz