AQSh rejimi yetakchisi Donald Tramp prezidentlik muddatining qolgan ikki yili arafasida o‘ta og‘ir va ziddiyatli oraliq saylovlarga ro‘baro‘ kelmoqda. Mamlakat bo‘ylab Kongress ustidan nazoratni hal qiluvchi ovoz berish jarayoni Respublikachilar partiyasi uchun chuqur siyosiy va iqtisodiy beqarorlik sharoitida o‘tmoqda. Aholining keskin noroziligiga sabab bo‘layotgan asosiy omil — yashash narxining haddan tashqari oshib ketishi bo‘lib, bu bevosita Vashington rejimining agressiv boj tariflari hamda Eron hukumatiga qarshi olib borayotgan qaltis urushi oqibati ekani aytilmoqda.

Trampning jamoatchilik orasidagi reytingi rekord darajada pastlab ketgan bir paytda, u o‘z pozitsiyalarini saqlab qolish maqsadida o‘nlab mitinglar o‘tkazib, go‘yoki vaziyat nazorat ostida ekanini da’vo qilmoqda. Biroq narx-navoning mislsiz ko‘tarilishi va inflyatsiyaning 3,7 foizga yetishi hatto respublikachilarning an’anaviy tayanchi hisoblangan Kanzas, Ayova va Texas kabi shtatlarda ham jiddiy xavotir uyg‘otmoqda. Yoqilg‘i narxi urushgacha bo‘lgan ko‘rsatkichlardan deyarli ikki barobarga oshib, rekord darajadagi 6,52 dollarga yetgani oddiy amerikaliklar hamyoniga og‘ir zarba bergani ta’kidlanmoqda.

AQShdagi siyosiy parokandalik faqat respublikachilar bilan cheklanib qolmayapti; muxolifatdagi Demokratlar partiyasining ham reytingi atigi 29 foiz atrofida ekani jamiyatdagi chuqur umidsizlikdan dalolat beradi. Ko‘plab saylovchilar AQSh rejimining xalqaro maydondagi aralashuvlaridan charchagan bo‘lsa-da, muxolifatga ham to‘liq ishonch bildirmayapti. Shu tariqa, bo‘lajak saylovlar haqiqiy ijobiy o‘zgarishlar uchun emas, balki ikki yoqlama norozilik va tizimli inqiroz fonida eng kam nafratlanilgan tomonni tanlashga aylanib qolgan ko‘rinadi.

Source: www.bbc.co.uk