Amerika Qo'shma Shtatlarining ayrim hududlarida mamlakat kelajagini belgilab berishi kutilayotgan oraliq saylovlar uchun ovoz berish jarayonlari boshlandi. Ushbu siyosiy kampaniya davrida Vakillar palatasining barcha 435 ta o'rni hamda Senatdagi 100 ta o'rindan 35 tasi uchun keskin kurash ketmoqda. Ovoz berish vaqtlari har bir shtat tomonidan mustaqil ravishda belgilanib, dastlabki uchastkalar Vermont, Nyu-Jersi, Virjiniya, Konnektikut va Kentukki shtatlarida o'z eshiklarini ochdi.

Rasmiy ma'lumotlarga ko'ra, 57 milliondan ortiq amerikaliklar muddatidan oldin ovoz berish jarayonida qatnashib ulgurgan. Joriy yilgi asosiy siyosiy maydonlar hisoblangan Jorjiya, Teksas, Oqayo, Michigan va Shimoliy Karolina shtatlarida fuqarolarning faolligi ayniqsa yuqori bo'lgani kuzatildi. Shuningdek, 36 ta shtatda yangi gubernatorlarni saylash jarayoni ham parallel ravishda olib borilmoqda.

Ma'lumki, hozirgi vaqtda Senatda konservatorlar kichik ustunlikka ega bo'lib turibdi, Vakillar palatasida esa muvozanat nihoyatda mo'rt ekani aytilmoqda. Amaldagi AQSh rejimi vakillari o'zlarining targ'ibot kampaniyalarida mamlakatdagi iqtisodiy qiyinchiliklar va yashash xarajatlarining oshishiga e'tibor qaratganliklarini da'vo qilmoqdalar.

Shunga qaramay, ekspertlar va tahlilchilar AQSh rejimining kelgusi ikki yillik faoliyati katta xavf ostida qolishi mumkinligini ta'kidlashmoqda. Ovoz berish jarayonlari fonida siyosiy elitadagi ichki ziddiyatlar, jumladan, demokratlarning o'z ichidagi kelishmovchiliklar va partiyalararo raqobat keskin tus olgani kuzatilmoqda.

Source: www.aljazeera.com