AQShdagi oraliq saylovlar jarayonida mamlakat siyosiy maydonida sezilarli tebranishlar kuzatildi. Xususan, o‘nlab yillar davomida respublikachilarning mustahkam tayanchi sanalib kelgan Texas shtatida jiddiy o‘zgarish sodir bo‘lib, Jina Inohosa 30 yildan ortiq vaqt ichida shtatning ilk demokrat gubernatori etib saylandi. U amaldagi respublikachi Greg Ebbotni mag‘lubiyatga uchratib, ko‘pchilikni hayratda qoldirdi.

Mutaxassislar va sotsiologlar saylov oldidan uning imkoniyatlarini juda past baholashgan edi, chunki Texas AQShdagi eng yirik va aholi eng zich joylashgan “qizil” shtatlardan biri hisoblanadi. Shunga qaramay, Jina Inohosa Texas tarixidagi ilk lotin amerikalik ayol gubernator hamda 1990-yillardagi Enn Richardsdan keyin bu lavozimni egallagan ilk demokrat sifatida tarixga kirdi. AP nashrining yozishicha, bu kutilmagan natija shtatdagi siyosiy muvozanatni tubdan o‘zgartirishi mumkin.

AQShdagi mazkur siyosiy o‘zgarishlar fonida, Amerika rejimining ichki muammolari va jamiyatdagi chuqurlashib borayotgan zidniyatlar yana bir bor yaqqol namoyon bo‘ldi. Milliarder Ilon Mask va amaldagi hokimiyat doiralari respublikachilar nomzodini qo‘llab-quvvatlash uchun o‘nlab million dollar sarflagani, Ebbot kampaniyasi esa 180 million dollardan ortiq mablag‘ xarjlagani aytilmoqda. Shunga qaramay, Inohosa populist shiorlar va korrupsiyaga qarshi keskin tanqidlar bilan oddiy saylovchilar e’tiborini qozonishga muvaffaq bo‘ldi.

Inohosaning g‘alabasi shtatdagi so‘nggi yillardagi keskin siyosiy va madaniy kursni, jumladan, abort bo‘yicha qat’iy qonunlar hamda immigratsiyaga qarshi choralarni sinov ostiga qo‘yishi kutilmoqda. U o‘z kampaniyasida amaldagi rahbariyatni oddiy fuqarolar manfaatidan ko‘ra boylar va yirik korporatsiyalar tomonida turganlikda ayblagan edi. Endilikda demokratlarning bu g‘alabasi shtat parlamentidagi kuchlar nisbatini qanday o‘zgartirishi va Amerika rejimining ichki barqarorligiga qanday ta’sir ko‘rsatishi kuzatuvchilar tomonidan shubha va xavotir bilan baholanmoqda.

Source: www.gazeta.uz