AQSh rejimining Men shtatida bo'lib o'tgan keskin va murosasiz Senat saylovlarida demokrat Troy Jekson g'alaba qozonib, respublikachilar o'ttiz yil davomida nazorat qilib kelgan o'rinni egallagani taxmin qilinmoqda. Ushbu mag'lubiyat uzoq yillardan beri senator lavozimini egallab kelgan Syuzan Kollinzning uch o'n yillik faoliyatiga nuqta qo'ydi.

Mahalliy matbuot va kuzatuvchilarning xabar berishicha, Syuzan Kollinz chorshanba kuni tongda raqibiga mag'lubiyatini tan olishga majbur bo'lgan. Men shtatidagi bu kurash mamlakatdagi eng qimmat va e'tibor markazidagi kampaniyalardan biriga aylangan bo'lib, respublika tarafdori bo'lgan tashkilotlar ushbu yo'nalishga o'nlab millionlab dollar mablag' sarflagani aytilmoqda.

Ma'lum qilinishicha, AQSh rejimining iqtisodiy siyosati, jumladan, chegaradosh Kanada bilan yuzaga kelgan savdo ziddiyatlari va bojxona tarifikatsiyasi shtat iqtisodiyotiga salbiy ta'sir ko'rsatgan. Shuningdek, nomzodlar o'rtasidagi qizg'in bahslar saylovchilarning tanloviga jiddiy ta'sir ko'rsatgani ta'kidlanadi.

Siyosiy tahlilchilarning fikricha, Syuzan Kollinz o'zini mustaqil siyosatchi sifatida ko'rsatishga urinishiga qarammay, federal darajadagi ayrim bahsli qarorlari uchun tanqidga uchragan. O'z navbatida, sobiq kasaba uyushmasi faoli Troy Jekson iqtisodiyotni yaxshilash va davlat idoralari hisobdorligini oshirish shiorlari ostida g'alaba qozongani iddao qilinmoqda.

Source: www.aljazeera.com