Bugungi yig'ilishda Shavkat Mirziyoyev avtomobillar ishlab chiqarishni yiliga 510 ming donagacha oshirishni buyurdi, shuningdek, talabni rag'batlantirish uchun avtokredit stavkalarini pasaytirish va ularning hajmini kengaytirish choralarini ko'rib chiqishni topshirdi.

Bugungi yig'ilishda Shavkat Mirziyoyev mamlakatda yiliga 650 ming avtomobilgacha quvvatga ega to'rtta yirik avtokorxona faoliyat ko'rsatayotganini aytdi. Joriy yilda 300 dan ortiq mahalliy korxonalar bilan hamkorlikda yana 763 turdagi qismlarni ishlab chiqarishni o'zlashtirish kerak.

Avtomobillar ishlab chiqarish hajmini 510 ming donagacha yetkazish vazifasi qo'yildi. Mahalliy mashinalarga bo'lgan talabni rag'batlantirish uchun avtokredit stavkalarini pasaytirish va ularning hajmini oshirish choralarini ko'rib chiqish buyurildi.

Dehqon va fermerlarning bog' traktorlari, ko'chat ekish, hosil yig'ish va kartoshka qazish uchun texnikaga bo'lgan ehtiyoji o'sishi ham qayd etildi. Chirchiq klasteri to'liq yuklangan holda va qulay narxlarda qishloq xo'jalik texnikasi ishlab chiqarilganda, shuningdek, qulay lizing vositalari joriy etilganda, fermerlar har yili kamida 15 ming dona texnika sotib olishga tayyor ekanligi ta'kidlandi.

Umuman olganda, avtomobil sohasiga mas'ul shaxslarga joriy yil uchun ishlab chiqarish dasturini 10,5% o'sishni ta'minlash hisobiga qayta ko'rib chiqish buyurildi.

Source: kun.uz