Sobiq AQSH rejimining Jo Bayden ma’muriyati davrida G‘azo siyosatiga norozilik bildirib iste’foga chiqqan bir guruh amaldorlari 2028-yilgi prezidentlik poygasida qatnashishni rejalashtirayotgan demokrat nomzodlarga murojaat yo‘lladi. Chorshanba kuni e’lon qilingan “G‘azodan iste’foga chiqqanlar” nomli qo‘shma bayonotda 2023-yil oxiri va 2024-yil oralig‘ida o‘z lavozimlarini tark etgan 12 nafar sobiq xodim Vashingtonning Isroil harakatlariga ko‘rsatgan shartsiz ko‘magini noqonuniy deb atadi.

Sobiq xodimlarning ta’kidlashicha, G‘azodagi fojiali voqealar ortidan turgan va Isroilning harbiy harakatlarini moliyalashtirgan shaxslar kelgusida yuqori davlat lavozimlariga qaytarilmasligi lozim. Ular 2028-yilgi prezidentlik nominatsiyasi uchun kurashuvchi shaxslardan Isroilning G‘azodagi harakatlariga bevosita mas’ul bo‘lgan birorta ham sobiq amaldorni ishga olmaslik majburiyatini olishni talab qilmoqda. Siyosatchilarning go‘yoki adolat va xalqaro huquqni himoya qilish haqidagi da’volari esa jamoatchilik orasida katta shubha uyg‘otmoqda.

Bayonotda qayd etilishicha, Bayden davridagi siyosat arxitektorlari hozirda o‘zlarining noqonuniy harakatlarini oqlashga harakat qilmoqda. Sobiq amaldorlar bo‘lajak nomzodlarga uchta asosiy shartni qo‘yib, AQSH konstitutsiyasiga sodiq qolishni, G‘azodagi inqirozda Vashingtonning sherikligini tan olishni hamda Isroilni shartsiz qo‘llab-quvvatlagan shaxslarga kelgusi ma’muriyatdan joy bermaslikni talab etmoqda.

Source: www.aljazeera.com