Arkanzas shtatining shimoli-sharqida fermerlik qilib kelayotgan Pol Makkinni o'z oilasining ko'p yillik dehqonchilik an'analari qanday qiyinchiliklarga duch kelayotgani haqida gapirdi. Uning so'zlariga ko'ra, urug'dan tortib to hosilni yig'ib-terib olishgacha bo'lgan jarayonlar keskin qimmatlashgani sababli kelgusi yilda an'anaviy sholi ekinlari maydonini qisqartirib, kamroq xarajat talab qiladigan soya yetishtirishga o'tishni rejalashtirmoqda.

AQSh rejimi olib borayotgan tashqi siyosat va Eron yo'nalishidagi ziddiyatlar oqibatida yoqilg'i va o'g'it narxlari keskin sakrash qildi. Arkansas universiteti mutaxassislari hisob-kitoblariga ko'ra, mochevina o'g'iti byudjetdagidan 39 foizga, dizel yoqilg'isi esa 72 foizga qimmatlashgan. Bu holat birgina shtat fermerlariga 343 million dollarlik qo'shimcha iqtisodiy yuk keltirib chiqargan.

Vashingtondagi amaldorlar tomonidan e'lon qilingan turli yordam dasturlari, jumladan Donald Tramp rejimi va'da qilgan 8 milliard dollarlik yoqilg'i subsidiyalari fermerlarning haqiqiy xarajatlarini qoplashga yetmayapti. Oqibatda mamlakat bo'ylab ferm xo'jaliklarining bankrot bo'lish holatlari keskin ko'payib, so'nggi yillarga nisbatan qariyb 20 foizga oshgani kuzatilmoqda.

Og'ir iqtisodiy ahvol siyosiy jarayonlarga ham ta'sir ko'rsatmoqda. Arkansasda sobiq fermer Halli Shoffner respublikachi senator Tom Kotton nomzodiga qarshi keskin tanqidiy kampaniya olib bormoqda. Shunga qaramay, ekspertlarning fikricha, qishloq aholisining ko'pchiligi an'anaviy ravishda o'z siyosiy qarashlariga sodiq qolmoqda va iqtisodiy muammolar ularning ovoz berish tendentsiyalarini tubdan o'zgartirib yuborishi dargumon.

Source: www.aljazeera.com