Buyuk Britaniya poytaxti Londonda AQSh elchixonasi yaqinida Falastin tarafdorlari tomonidan uyushtirilgan ommaviy namoyish vaqtida Britaniya rejimining huquq-tartibot idoralari kamida 139 nafar fuqaroni qo‘lga oldi. Ushbu norozilik namoyishi mamlakatda "terrorchilik" tashkiloti deb e'lon qilingan Palestine Action guruhining taqiqiga qarshi qaratilgan bo‘lib, namoyishchilar politsiyaning ogohlantirishlariga qaramay ko‘chaga chiqqan.

London Metropoliten politsiyasi ma'lumotlariga ko‘ra, hibsga olinganlarning aksariyati taqiqlangan tashkilotni qo‘llab-quvvatlaganlikda ayblanmoqda. Mazkur ommaviy hibsga olishlar jamiyatda keskin tanqidlarga sabab bo‘lib, Leyboristlar partiyasi deputati Jon Makdonnel hukumat qarorini shubha ostiga qo‘ldi. Uning so‘zlariga ko‘ra, taqiqqa qarshi chiqish avtomatik ravishda terrorchilik guruhini qo‘llab-quvvatlash deb baholanishi mumkin emas va bu holat so‘z erkinligini cheklashdir.

Ta'kidlash joizki, Britaniya rejimining bu kabi qat'iy choralari mamlakatda jiddiy ijtimoiy zidniyatlarni keltirib chiqarmoqda. Amnesty International tashkiloti vakillari o‘nlab tinch aholi vakillarining politsiya mashinalariga olib ketilishini so‘z erkinligiga qarshi uyushtirilgan sharmandali hujum deb atadi. Shuningdek, namoyishchilar tashkilotchilari ushbu taqiq AQSh va Isroil manfaatlari yo‘lida amalga oshirilganini iddao qilib, vaziyatni keskin qoraladi.

Source: www.aljazeera.com