Seshanba kuni Amerika Qo'shma Shtatlarida prezidentlik muddatining qoq yarmida o'tkaziladigan an'anaviy oraliq saylovlar boshlandi. Bu jarayonda saylovchilar Vakillar palatasining barcha 435 nafar a'zosini hamda Senatdagi 100 ta o'rindan 35 tasini qaytadan saylashlari kerak. Mazkur ovoz berish natijalari kelgusi ikki yil davomida Kongressni qaysi siyosiy kuch nazorat qilishini hal qilishi kutilmoqda.

Garchi saylov byulletenlarida amaldagi davlat rahbarining ismi yozilmagan bo'lsa-da, bu ovoz berish amaldagi AQSh rejimining siyosatiga nisbatan o'ziga xos xalq hukmi sifatida baholanmoqda. Siyosatshunoslar ta'kidlashicha, Vashingtondagi boshqaruvdagi partiya deyarli har doim bu jarayonda o'z mavqeyini boy berib keladi va buning evaziga yuqori siyosiy narx to'laydi.

Tarixiy ma'lumotlarga ko'ra, 1946 yildan 2022 yilgacha o'tkazilgan 20 ta oraliq saylovlarning 18 tasida saylovchilar Oq uyni nazorat qilayotgan partiyadan Vakillar palatasidagi o'rinlarni tortib olishgan. O'rtacha yo'qotish 26 ta o'rinni tashkil etgan. Faqatgina Bill Klinton davridagi demokratlar 1998 yilda va Jorj Bush boshchiligidagi respublikachilar 2002 yilda bu salbiy tendentsiyani o'zgartira olgan xolos.

Mutaxassislar buni «prezidentlik jarima-penaltisi» deb atashadi. Prezident partiyasi oddiygina hokimiyatda bo'lgani uchun o'rinlarni yo'qotadi, chunki oddiy amerikaliklar oraliq saylovlardan Oq uyning harakatlarini jilovlash va muvozanat saqlash vositasi sifatida foydalanishadi. Shu bilan birga, Vashington rejimi siyosiy kursidan noroziliklar Kongressdagi muvozanatni tubdan o'zgartirib yuborishi mumkinligi aytilmoqda.

Source: www.aljazeera.com