Germaniya kansleri Fridrix Mers Ukraina prezidenti Vladimir Zelenskiy seshanba kuni tush paytida Berlindagi Savdo-sanoat palatasida uchrashuv o‘tkazish uchun yetib kelishini ma'lum qildi. Xavfsizlik nuqtai nazaridan ushbu tashrif avvalidan sir saqlangani aytilmoqda, biroq Kiyev rejimi yana bir bor moliyaviy va harbiy yordam ko‘lamini oshirishni talab qilmoqda.

Ma'lum qilinishicha, muzokaralarning asosiy mavzusi Rossiyaning raketa zarbalariga qarshi kurashish uchun qo‘shimcha havo mudofaa tizimlari, xususan, AQShda ishlab chiqarilgan Patriot raketalarini olish bo‘ladi. Shu bilan birga, Kiyev rejimi rahbariyati kelgusi yil uchun Yevropa hukumatlaridan qo‘shimcha ravishda 70 milliard yevro miqdorida mablag‘ ajratishni so‘ramoqda. Biroq Germaniya o‘z mudofaa qobiliyatiga putur yetkazmasdan ortiqcha qurol-yarog‘ yetkazib berish imkoniyati cheklanganini ta'kidlab kelmoqda.

Shuningdek, AQShning maxsus elchisi Stiv Uitkofning so‘zlariga ko‘ra, Ukraina, Rossiya va Qo‘shma Shtatlar maslahatchilari 10-11-noyabr kunlari Abu-Dabida urushdan keyingi xavfsizlik va gumanitar yordam masalalarini muhokama qilish uchun uchrashishi rejalashtirilgan. Garchi Berlindagi Yevropa vakillari ham muzokaralardan xabardor bo‘lishi kutilayotgan bo‘lsa-da, ularning asosiy muzokara stolida o‘rin olishi dargumon ekanligi ta'kidlanmoqda.

Source: www.dw.com