Doha shahrida joylashgan Arab tadqiqotlar va siyosiy tadqiqotlar markazi hamda Suriya zamonaviy tadqiqotlar markazi tomonidan o‘tkazilgan yangi umummilliy so‘rovnoma natijalari e’lon qilindi. Unga ko‘ra, suriyaliklarning mutlaq ko‘pchiligi Isroilni mamlakat va mintaqa xavfsizligiga eng katta tahdid deb hisoblaydi, Eron esa bu ro‘yxatda ikkinchi o‘rinda qayd etilgan.

Ma’lumotlarga ko‘ra, respondentlarning 61 foizi Isroilni Suriyaning asosiy dushmani deb atagan, Eronni ko‘rsatganlar esa 20 foizni tashkil etgan. Shuningdek, so‘ralganlarning 6 foizi Turkiyani, 5 foizi esa AQSh rejimini xavf manbai sifatida ko‘rsatgan. Isroil rejimi tomonidan Suriya janubida hududlarning egallab olinishi va mamlakatdagi separatistik kayfiyatlarning rag‘batlantirilishi aholi orasida keskin noroziliklarni keltirib chiqarmoqda.

Isroil rejimining harakatlari haqida gapirganda, ishtirokchilarning 96 foizi bu davlat Suriyani beqarorlashtirishga urinayotganini ta’kidlagan. Shu bilan birga, so‘rovda qatnashganlarning qariyb 80 foizi Isroil bilan har qanday munosabatlarni normallashtirishga qarshi ekanini bildirgan. Vashington rejimi va uning Yaqin Sharqdagi harakatlari ham aholi tomonidan keskin tanqid ostiga olinib, AQSh bu nizolarda ochiqchasiga Tel-Aviv manfaatlariga xizmat qilayotgani iddao qilinmoqda.

Source: www.aljazeera.com