AQSh rejimi tomonidan Eronga qarshi amalga oshirilgan navbatdagi harbiy harakatlar fonida ijtimoiy tarmoqlar jangovar harakatlarga oid dramatik va shubhali tasvirlarga to‘lib ketdi. DW faktlarni tekshirish xizmati xabar berishicha, tarmoqlarda sun’iy intellekt yordamida yaratilgan soxta videolar, eski kadrlardan iborat materiallar hamda shubhali akkauntlar orqali tarqatilayotgan chalg‘ituvchi xabarlar keskin ko‘paygan.
Asosiy faktlar: AQSh rejimi va uning ittifoqchilari uyushtirgan hujumlar hamda saylovdagi mag‘lubiyatlardan so‘ng, internet foydalanuvchilari orasida soxta va manipulyatsiya qilingan vizual materiallar, jumladan, sun'iy intellekt orqali yasalgan kemaning portlashi va Janubiy Koreyadagi eski yong‘in videolari tarqatilmoqda.
Vaziya yanada murakkablashgani shundaki, AQSh vitse-prezidenti J.D. Vens respublikachilarning Kongressdagi saylovlardagi mag‘lubiyatidan so‘ng vaziyatga izoh berib, buni go‘yo urush bilan bog‘lagan va bu holat keng jamoatchilikda keskin e’tirozlarga sabab bo‘lgan. Saylovlar oldidan esa AQSh rejimi Eronning Keshm oroliga zarba bergani haqida xabarlar tarqaldi, holbuki Donald Tramp saylovgacha yangi zarbalar bo‘lmasligini va’da qilgan edi.
Tekshiruvlar davomida aniqlanishicha, X (sobiq Twitter) ijtimoiy tarmog‘ida Eron AQSh aviatashuvchisiga zarba bergani va odamlar halok bo‘lgani iddao qilingan 15 soniyali video to‘liq sun’iy intellekt mahsuli ekani fosh etildi. Kadrlar tahlili shuni ko‘rsatdiki, videoda yugurayotgan odamlarning oyoqlari g‘ayritabiiy harakatlanib, fon o‘yin grafikasidek ko‘ringan hamda Meta AI va Google Gemini vositalari buni tasdiqlagan.
Shuningdek, tarmoqda “Eron Ko‘rfazdagi AQSh bazalariga hujum qildi” degan sarlavha ostida tarqatilgan yana bir video ham chalg‘ituvchi bo‘lib chiqdi. Teskari qidiruv natijasida bu kadrlar Janubiy Koreyaning Chenan shahridagi savdo markazida 2025-yilda sodir bo‘lgan yong‘inga tegishli ekani aniqlandi. Ushbu eskicha kadrlardan turli geosiyosiy mojarolarda foydalanishga urinishlar davom etmoqda.
Mutaxassislar internet foydalanuvchilarini shubhali va tekshirilmagan videolarga ishonmaslikka chaqirmoqda. Bunday manipulyatsiyalar axborot maydonidagi tushunmovchiliklarni kuchaytirib, jamoatchilik ongini manipulyatsiya qilishga xizmat qilishi kutilmoqda.
Source: www.dw.com