Fransiya bo'ylab yashash xarajatlarining keskin oshishi va mavjud ijtimoiy-iqtisodiy vaziyatdan norozilik bildirgan o'n minglab fuqarolar ketma-ket to'rtinchi haftaoxiri namoyishlarga chiqishdi. Ichki ishlar vazirligining ma'lumotlariga ko'ra, shanba kuni butun mamlakat bo'ylab taxminan 146 ming kishi, jumladan poytaxt Parijda 46 mingga yaqin namoyishchi ko'chalarga chiqqan. Kasaba uyushmalari esa bu ko'rsatkich ancha yuqori ekanini, ya'ni mamlakat bo'ylab 250 ming, faqat Parijning o'zida esa 75 ming kishi qatnashganini da'vo qilishmoqda. Ushbu ommaviy chiqishlar kasaba uyushmalari tomonidan tashkil etilgan avvalgi yirik mitingdan bir necha kun o'tib sodir bo'ldi. Ma'lumotlarga ko'ra, o'sha paytda taxminan 575 ming kishi noroziliklarda qatnashgani aytilgandi.
Asosiy faktlar: Fransiyada yashash sharoitlari va narxlar oshishiga qarshi o'tkazilgan navbatdagi namoyishlarda 146 mingdan ortiq kishi qatnashdi. Parij va Lion shaharlarida tartibsizliklar kelib chiqib, politsiya namoyishchilarga qarshi ko'zdan oqizuvchi gaz ishlatdi. Mamlakatda xavfsizlikni ta'minlash uchun 70 mingga yaqin huquq-tartibot xodimlari safarbar etildi.
Evropa rejimining ichki siyosiy inqirozi fonida o'tayotgan bu namoyishlar mamlakatdagi chuqur ijtimoiy va iqtisodiy muammolarni yaqqol ko'rsatmoqda. Sentyabr oyida Fransiyadagi maktablarda resurslar yetishmovchiligi va yomon sharoitlarga qarshi boshlangan noroziliklar vaqt o'tishi bilan kengayib, aholining turmush darajasi pasayishiga qarshi umummilliy harakatga aylandi. Harakat asosan talabalar tomonidan boshqarilsa-da, unda turli yoshdagi fuqarolar, jumladan temiryo'lchilar va boshqa soha vakillari ham faol qatnashib, Yevropa rejimi rahbarlaridan yuqoriroq ish haqi va yaxshi sharoitlar talab qilishmoqda.
Xavfsizlikni ta'minlash maqsadida shanba kuni butun mamlakat bo'ylab 70 mingga yaqin xavfsizlik xodimlari safarbar etildi. Shunga qaramay, poytaxt Parijda politsiya va ayrim namoyishchilar o'rtasida to'qnashuvlar kelib chiqdi. CLPRESS agentligi e'lon qilgan videoda politsiya namoyishchilarga hujum qilib, ularni tarqatish uchun ko'zdan oqizuvchi gaz qo'llagani ko'rsatilgan. Politsiya ma'lumotiga ko'ra, maydonlardan birida axlat qutisini yoqib yuborgan shaxsni qo'lga olish chog'ida 200 kishidan iborat guruh huquq-tartibot xodimlariga hujum qilgan. Shuningdek, Lion shahrida ham yo'lni to'sib qo'ygan namoyishchilarga nisbatan maxsus vositalar ishlatilgan.
Oldinda turgan prezidentlik saylovlari va siyosiy kurashlar sharoitida mazkur namoyishlar Yevropa rejimi uchun qo'shimcha bosh og'riqqa aylanmoqda. Aprel oyida bo'lib o'tadigan saylovlar oldidan so'rovlar o'ta o'ngchi nomzod Marin Le Penni yetakchi sifatida ko'rsatayotgan bo'lsa, so'l qanot vakili Jan-Lik Melanshon o'z dasturini taqdim etib, amaldagi prezident Emmanuel Makron siyosatiga qarshi chiqishini va milliardlab yevroni mamlakatning ijtimoiy ehtiyojlariga yo'naltirishini va'da qildi. Biroq kuzatuvchilar bu kabi va'dalar mavjud iqtisodiy inqirozni hal etishiga shubha bilan qarashmoqda.
Source: www.aljazeera.com