Prezident Shavkat Mirziyoyev mamlakat YaIMdagi ulushi 2030-yilgacha 5% ga yetkazishni nazarda tutuvchi kreativ sanoatni rivojlantirish strategik rejasini tasdiqladi. Buni davlat rahbarining matbuot xizmati xabar qildi.

Foto: Prezident matbuot xizmati

Hujjatga ko‘ra, chora-tadbirlar majmuasini amalga oshirish ijodiy xizmatlar eksportini 1 milliard dollargacha oshirish va 500 mingdan ortiq ish o‘rinlarini yaratish imkonini beradi.

Strategiyaning asosiy elementi kreativ sanoat parklari tarmog‘ini shakllantirish bo‘ladi. Toshkentda kino studiyalari, dasturlash maktablari, dizayn va ovoz yozish markazlarini birlashtirib, ijodiy kasblar va IT mutaxassislari uchun yagona ekotizimni tashkil etadigan keng ko‘lamli kreativ park yaratish rejalashtirilgan.

Rezidentlar uchun maxsus soliq rejimi joriy etiladi: daromad va ijtimoiy soliq stavkalari ikki baravar – 6% gacha pasaytiriladi.

Shunga o‘xshash maydonchalar Yangi Toshkent va Nukusda ham paydo bo‘ladi. Qoraqalpog‘iston poytaxtida EXPO-2025 ko‘rgazmasining milliy paviloni va zamonaviy kutubxona markaziy diqqatga sazovor bo‘ladi.

Islohot ta’lim sohasiga va madaniy merosni muhofaza qilishga ham tegadi. Toshkentda The King's Foundation modeli asosida yaratilgan An’anaviy san’atlar oliy maktabi ochiladi. Xattotlik, kulolchilik va me’moriy dekor bo‘yicha ta’lim ingliz tilida olib boriladi.

Shu bilan birga, Samarqanddagi Bibixonim masjidi kabi tarixiy ob’yektlarni keng ko‘lamli restavratsiya qilish rejalashtirilgan. Prezident barcha ishlar yodgorliklarning tarixiy haqiqiyligini saqlash maqsadida YuNESKO qat’iy nazorati ostida olib borilishi kerakligini ta’kidladi.

Source: kun.uz