Ispaniyalik yosh futbolchi Lamine Yamalning jarohati jiddiy bo‘lib chiqdi. “Barselona” klubi rasmiy bayonotida 18 yoshli vingerning mavsumning qolgan qismini o‘tkazib yuborishini, ammo 2026 yilgi Jahon chempionatiga tayyor bo‘lishini ma’lum qildi.

Yamal 9 aprel kuni “Selta”ga qarshi o‘yinda (1:0) penaltidan gol urganidan so‘ng jarohat olib, maydonni tark etgan edi. Tibbiy ko‘rikdan so‘ng unga chap oyog‘ining orqa son mushagi (biceps femoris) shikastlanishi tashxisi qo‘yildi.

Klub matbuot xizmati X’dagi postida: “O‘tkazilgan tekshiruvlar Lamine Yamalning chap oyog‘idagi son mushagi jarohatini tasdiqladi. Futbolchi konservativ davolanish kursidan o‘tadi va mavsumning qolgan qismini o‘tkazib yuboradi, ammo Jahon chempionatiga tayyor bo‘lishi kutilmoqda”, deyilgan.

Ispaniya terma jamoasi Jahon chempionatidagi ilk o‘yinini 15 iyun kuni Atlanta (Jorjiya) shahrida Kabo-Verdega qarshi o‘tkazadi. Bu Yamalning turnirdagi debyuti bo‘ladi.

“Barselona” La Ligada “Real”dan 9 ochko oldinda, ammo 10 may kuni “Camp Nou”da bo‘ladigan “El Klassiko” uchrashuvi oldidan ikki tur qolgan. Mavsumda jami oltita o‘yin qolgan.

Source: www.aljazeera.com