O‘zbekistonda dam olish kunlari havo asosan iliq va quruq bo‘ladi. Ayrim hududlarda harorat 35 darajagacha ko‘tarilishi mumkin, biroq ba’zi joylarda qisqa muddatli yomg‘ir va momaqaldiroq kutilmoqda.

Sinoptiklarning ma’lumotiga ko‘ra, bugun kunduzi butun mamlakat bo‘ylab quruq va iliq havo saqlanadi. Havo harorati 24-27 daraja iliq, shimoliy, janubiy va cho‘l hududlarida esa 29-32 darajagacha yetadi.

Shanba kuni, 25-aprelda, ko‘pchilik hududlarda ochiq havo va yog‘ingarchiliksiz ob-havo saqlanadi. Biroq Qoraqalpog‘iston shimolida va Farg‘ona vodiysining ayrim joylarida qisqa muddatli yomg‘ir va momaqaldiroq bo‘lishi mumkin. Kunduzi havo 28-31 darajagacha, janubiy, shimoliy va cho‘l zonalarida esa 32-35 darajagacha isiydi.

Yakshanba kuni ko‘pchilik viloyatlarda ob-havo sezilarli o‘zgarmaydi. Istisno Qoraqalpog‘iston va Xorazm viloyati bo‘lib, u yerda harorat 20-23 darajagacha, Buxoro va Navoiy viloyatlarida esa 25-28 darajagacha pasayadi. Toshkent viloyatida qisqa muddatli yomg‘ir va momaqaldiroq bo‘lishi mumkin.

Umuman olganda, respublika bo‘ylab dam olish kunlari shamol tezligi sekundiga 15-20 metrgacha kuchayishi, ba’zi joylarda chang-to‘zonli bo‘ronlar kuzatilishi mumkin.

Toshkentda juma va shanba kunlari yog‘ingarchilik kutilmaydi, havo harorati 27-30 daraja iliq atrofida bo‘ladi. Yakshanba kuni kunning ikkinchi yarmida qisqa muddatli yomg‘ir va momaqaldiroq, shamol tezligi sekundiga 10-12 metrgacha kuchayishi mumkin. Kechasi harorat 14-17 darajani tashkil etadi.

Source: podrobno.uz