Rossiya poytaxtida 61 yoshli O‘zbekiston fuqarosiga nisbatan og‘ir hukm chiqarildi. U taqiqlangan «Hizb ut-Tahrir al-Islami» terrorchilik tashkilotining hisob raqamlariga pul mablag‘larini o‘tkazganlikda aybdor deb topildi. Sud majlisida erkak o‘z aybiga to‘liq iqror bo‘lib, moliyaviy o‘tkazmalarni amalga oshirganini tasdiqlagan.

Moskvadagi 2-G‘arbiy okrug harbiy sudi tomonidan ko‘rib chiqilgan ish materiallariga ko‘ra, Rossiyada yashab kelgan o‘zbekistonlik mobil ilova orqali mablag‘ yuborgan. Tergov organlari va sud bu harakatlarni radikal islom mafkurasini qo‘llab-quvvatlash hamda terrorchilik tashkiloti a'zosiga moliyaviy yordam ko‘rsatish sifatida malakalagan.

Sud hukmiga ko‘ra, sudlanuvchi to‘qqiz yilga ozodlikdan mahrum etildi. Jazoni o‘tash shartlari qattiq belgilangan bo‘lib, dastlabki uch yilni yopiq turmada, qolgan olti yilni esa qattiq tartibli o‘quv-mehnat koloniyasida o‘tkazishi belgilandi. Hozircha qonuniy kuchga kirmagan ushbu hukm ustidan apellyatsiya tartibida shikoyat qilinishi mumkinligi ma'lum qilindi.

Source: podrobno.uz