Amerika Qo‘shma Shtatlari Prezidenti Donald Tramp Eron portlariga qarshi blokada muvaffaqiyatli o‘tganini ma’lum qildi va Tehronni “shunchaki taslim bo‘lishga” chaqirdi. Bu bayonot Hormuz bo‘g‘ozidagi keskinlikning 62-kunida berildi.

Eron tomoni esa keskin qarshilik ko‘rsatmoqda. Parlament spikeri Muhammad Bag‘ir G‘olibof AQSh kampaniyasini samarasiz deb atadi va harbiylar hozirgacha “diplomatiyaga imkon berish” maqsadida o‘zini tutib turganini ta’kidladi.

Hormuz bo‘g‘ozidagi keskinlik global bozorlarga ta’sir ko‘rsatdi: neft narxi barrel uchun 120 dollardan oshdi, AQShda benzin narxi to‘rt yillik eng yuqori darajaga chiqdi.

Mutaxassislarning fikricha, bu mojaro uzoq davom etsa, jahon iqtisodiyoti uchun jiddiy oqibatlarga olib kelishi mumkin. AQSh rejimi Eronni iqtisodiy jihatdan bo‘g‘ishga urinmoqda, biroq Tehron bunga tayyor emas.

Source: www.aljazeera.com