Birlashgan Millatlar Tashkiloti Isroil hukumatini ikki gumanitar flotiliya faolini zudlik bilan va shartsiz ozod qilishga chaqirdi. Tashkilot ularga nisbatan qo‘llanilgan muomalani “jiddiy huquqbuzarlik” deb baholadi.

BMT Inson huquqlari bo‘yicha idorasi matbuot kotibi Tameen al-Xitanning bayonotiga ko‘ra, isroillik harbiylar 30 aprel kuni Gretsiya qirg‘oqlari yaqinidagi xalqaro suvlarda Global Sumud flotiliyasini to‘xtatgan. 180 nafar faol orasidan faqat ikki kishi – falastinlik Saif Abu Keshek va braziliyalik-ispaniyalik Tiago de Avila hibsga olinib, Isroilga olib ketilgan.

“G‘azodagi falastinliklarga insonparvarlik yordami yetkazish va birdamlik bildirish jinoyat emas”, dedi al-Xitan. U zo‘ravonlik va qiynoq haqidagi da’volarni tekshirishni, aybdorlarni javobgarlikka tortishni talab qildi.

Isroil sudi ikki faolning qamoq muddatini 10 maygacha uzaytirdi. Ular ochlik e’lon qilgan, faqat suv ichmoqda. Adalah huquq himoyasi tashkiloti ma’lumotiga ko‘ra, ularga “terrorchilik tashkiloti bilan aloqadorlik” kabi ayblovlar qo‘yilgan, biroq rasmiy ayblov e’lon qilinmagan.

Avila onasi Tereza Regina de Avila e Silva 63 yoshida Braziliyada vafot etdi. Flotiliya uni “katta quvonch va kuchli iroda egasi” deb ta’rifladi.

BMT, shuningdek, G‘azoga qo‘yilgan blokadani bekor qilish va yetarli miqdorda gumanitar yordam kiritishga ruxsat berishni talab qildi.

Source: www.aljazeera.com