Xalqaro energetika agentligi (IEA) Yaqin Sharqdagi urush tufayli neft zaxiralari “tez sur’atlar bilan qisqarayotgani” haqida ogohlantirdi. Agentlik ma’lumotlariga ko‘ra, mart oyida 129 million barrel, aprelda esa 117 million barrel neft zaxiralardan olingan.

Isroil mudofaa kuchlari (IDF) Livan janubida “Hizbulloh terror infratuzilmasiga” yangi zarbalar berganini e’lon qildi. Livan Sog‘liqni saqlash vazirligi Bayrut janubidagi avtomagistralda ikki mashinaga hujum qilinishi natijasida sakkiz kishi, jumladan ikki bola halok bo‘lganini xabar qildi.

“Hizbulloh” yetakchisi Naim Qosim sulhga qaramay, Livan janubidagi jang maydonlarini isroillik askarlar uchun “do‘zax”ga aylantirish bilan tahdid qildi. Mart oyidan beri Livanda 2800 dan ortiq kishi, jumladan 200 bola halok bo‘lgan.

Eron hukumati Isroil razvedkasiga ma’lumot berganlikda ayblangan Ehsan Afreshteh ismli shaxsni qatl etdi. Sud hukmiga ko‘ra, u Nepolda Mossad tomonidan tayyorlangan va maxfiy ma’lumotlarni sotgan. Huquq himoyachilari Eronda qatllar soni keskin oshganini qayd etmoqda.

BRICS davlatlari tashqi ishlar vazirlari Dehlida yig‘ilmoqda. Eron tashqi ishlar vaziri Abbos Aroqchi Hindistonga yetib keldi va Tehron BRICS platformasidan AQSh va Isroil hujumlarini qoralash uchun foydalanishga chaqirmoqda. Biroq Hindiston TIV matbuot kotibi konsensusga erishish qiyinligini tan oldi.

IEA ogohlantirishicha, neft zaxiralarining tez qisqarishi va ta’minotdagi uzilishlar kelajakda narxlarning keskin oshishiga olib kelishi mumkin. Aviakompaniyalar yozgi mavsum oldidan yoqilg‘i tanqisligidan ogohlantirmoqda.

Source: www.dw.com