Germaniya hukumati Eron urushining iqtisodiy oqibatlari ikkinchi chorakda sezilarli pasayishga olib kelishini kutmoqda. Iqtisodiy vazirlikning oylik hisobotiga ko'ra, mojaro energiya va xom ashyo narxlarini oshirib, biznes va uy xo'jaliklarida noaniqlikni kuchaytirmoqda.
Hukumat yil boshida iqtisodiy o'sish prognozini 0,5% ga qisqartirgan edi. Vazirlik ta'kidlashicha, keyingi rivojlanish Yaqin Sharqdagi mojaroning davomiyligi va savyo yo'llari hamda ishlab chiqarish quvvatlarining tiklanishiga bog'liq.
„Vaziyat yaxshilangan taqdirda ham, energiya va xom ashyo narxlari hamda ta'minot zanjirlaridagi oqibatlar uzoq vaqt sezilib turadi“, deyiladi hisobotda.
Germaniya iqtisodiyoti yilning birinchi choragida kutilganidan yaxshiroq natija ko'rsatib, oldingi chorakka nisbatan 0,3% o'sgan edi. Biroq yuqori energiya narxlari energiya talab qiladigan sanoat tarmoqlarida ishlab chiqarishni qisqartirish va o'n minglab ish o'rinlarini qisqartirishga olib keldi.
Federal statistika idorasi ma'lumotlariga ko'ra, 2022 yil fevralidan buyon kimyo, qog'oz, shisha va metall ishlab chiqarish sohalarida ishlab chiqarish 15,2% ga kamaygan. Ishchilar soni esa 53,300 kishiga yoki 6,3% ga qisqargan.
Shu bilan birga, Myunxendagi Ifo instituti ma'lumotlariga ko'ra, Germaniyada uy-joy qurilishi sektoridagi ishbilarmonlik muhiti aprel oyida to'rt yil ichidagi eng past darajaga tushdi. Indeks mart oyidagi minus 19,3 ball dan aprelda minus 28,4 ball ga tushdi.
Ifo eksperti Klaus Volrabe: „Geosiyosiy noaniqlik endi Germaniyada uy-joy qurilishiga ham ta'sir qilmoqda. Zaif ta'minot zanjirlari va o'sayotgan moliyalashtirish xarajatlari bilan qurilish sektori bir vaqtning o'zida bir nechta xavflarga duch kelmoqda“, dedi.
Ayni paytda Daniya qirg'oqlarida o'lik kit topilgani haqidagi xabarlar Germaniyaning Boltiq dengizi sohilida haftalar davomida qolib ketgan „Timmi“ laqabli kitning taqdiri haqida savollar tug'dirmoqda. Meklenburg-Old Pomeraniya atrof-muhit vaziri Till Baxaus kitning aynan o'sha hayvon ekanligi hali aniqlanmaganini aytdi.
Source: www.dw.com