Shifokorlar Chegara Bilmasdan (MSF) tashkilotining ichki hisobotiga ko'ra, Chad qochqin lagerlarida mahalliy va xorijiy xodimlar tomonidan qochqinlar, jumladan voyaga yetmagan qizlar ekspluatatsiya qilingan.

2024 yil iyulida tayyorlangan hisobotda 59 ta suiiste'mol holatlari qayd etilgan, ammo tashkilot haqiqiy raqamlar bundan yuqori ekanini tan olgan. Natijada 18 xodim ishdan bo'shatilgan va kelajakda ishga qabul qilinmasligi belgilangan.

Tergov AP agentligining 2024 yil noyabr oyidagi surishtiruvidan so'ng boshlangan bo'lib, unda Sudanlik ayollarga yordam va ish o'rniga jinsiy aloqa taklif qilingani aniqlangan.

MSF hisobotida qochqin qizlar, jumladan voyaga yetmaganlar, fohishalikka majburlangani, bir holatda yetti nafar qiz MSF mashinasida suv tarqatish joyiga emas, balki jinsiy zo'ravonlikka uchragan boshqa manzilga olib ketilgani aytilgan.

Tashkilot Chadda zo'ravonlikning oldini olish uchun qo'shimcha resurslar ajratilganini, ammo choralar uzoq muddatli ta'sir ko'rsatmaganini tan olgan. MSF bu xulosalarni "ochiq ichki tahlil" deb atagan.

Jabrlanganlarning ba'zilari yordamdan mahrum bo'lishdan qo'rqib sukut saqlagan, gapirganlarga esa keyinchalik yordam ko'rsatilmagan. MSF kelajakda maxfiy hisobot kanallari orqali profilaktikani kuchaytirishni va'da qilgan.

Source: www.aljazeera.com