AQShning Missuri shtatida parashyut sakrash uchun mo‘ljallangan xususiy samolyot halokatga uchradi. Natijada bortdagi 12 kishining barchasi halok bo‘ldi.

Hodisa Butler Memorial aeroporti yaqinida, Kanzas-Sitidan 100 kilometr janubda sodir bo‘ldi. Samolyot havoga ko‘tarilganidan ko‘p o‘tmay qulagan.

Samolyot Skydive Kanzas-Siti kompaniyasiga tegishli bo‘lgan. Kompaniya bayonotida “Fojiaga uchragan holda, bortdagi barcha 12 kishi halok bo‘ldi” deyiladi.

Federal aviatsiya boshqarmasi (FAA) samolyotni bir dvigatelli Pacific Aerospace P750 ekanligini aniqladi. Aeroport direktori Dennis Jeykobsning so‘zlariga ko‘ra, samolyot mahalliy vaqt bilan soat 11:20 da uchgan.

U yetarli balandlikka ko‘tarilmagan va keskin chapga burilgan, so‘ng uchish-qo‘nish yo‘lagidan 274 metr uzoqlikda, magistral yaqiniga qulagan. Qutqaruvchilar samolyot sho‘ng‘ish paytida kimdir sakrab chiqqan bo‘lishi mumkinligini tekshirgan, ammo hech qanday iz topilmagan.

Halokat sababi hozircha noma’lum. Milliy transport xavfsizligi kengashi (NTSB) tergov olib bormoqda va yakuniy hisobot 12-24 oy ichida e’lon qilinadi. Bates okrugi sherifi Chad Anderson voqeani “baxtsiz hodisa” deb atadi.

Ba’zi yo‘lovchilarning oila a’zolari halokat guvohi bo‘lgan. Voqea joyidan olingan tasvirlarda samolyotning ko‘k va kumush rangdagi vayronalari ko‘rinib turibdi.

Source: www.dw.com