Kabo-Verde — Atlantika okeanidagi 10 oroldan iborat davlat. Ushbu mamlakat 2026 yilgi jahon chempionatida debyut qilib, guruh bosqichidan chiqishga muvaffaq bo‘ldi va turnir tarixidagi eng kichik davlat sifatida rekord o‘rnatdi.

Kabo-Verde guruh bosqichida Ispaniya, Urugvay va Saudiya Arabistoni bilan durang o‘ynab, 3 ochko to‘pladi va ikkinchi o‘rinni egalladi. Bu ularga 1/32 finalga yo‘l ochdi.

Mamlakat aholisi 500 mingdan oshiq bo‘lib, futbolchilarning aksariyati xorijda tug‘ilgan. Asosiy tarkibdagi 11 o‘yinchidan 6 nafari mamlakatdan tashqarida dunyoga kelgan.

40 yoshli darvozabon Vozinha (Josimar Xose Evora Dias) uch o‘yinda ikkita “quruq” o‘yin o‘tkazib, Ispaniyaga qarshi 7 ta seyv amalga oshirdi. Uning Instagram obunachilari soni 500 mingdan 17,4 millionga oshdi.

Kabo-Verde 1/32 finalda amaldagi chempion Argentina bilan 28-iyun kuni Mayamida to‘qnash keladi. Uchrashuv Toshkent vaqti bilan ertalab soat 3:00 da boshlanadi.

Bu Kabo-Verdening ilk yirik turniri emas. Ular to‘rt marta Afrika Millatlar Kubogida qatnashgan, eng yaxshi natijasi 2013 va 2023 yillarda chorak finalga chiqish bo‘lgan.

Source: www.aljazeera.com