FIFA prezidenti Janni Infantino Bluewin nashriga bergan intervyusida 2030 yilgi Jahon chempionati oldidan ishtirokchilar sonini 48 tadan 64 taga oshirish imkoniyati muhokama qilinishini ma’lum qildi.

Infantinoning so‘zlariga ko‘ra, jahon chempionatini butun dunyo uchun tashkil etish muhim: “Har bir millat Jahon chempionatida qatnashishni orzu qilishi kerak. Kichik davlatlarga imkoniyat berilmasa, ular rivojlanishga intilmaydi”.

1998 yildan 2022 yilgacha chempionatda 32 jamoa qatnashgan bo‘lsa, 2026 yilgi turnir birinchi marta 48 jamoa bilan o‘tkazilmoqda. Hozirda yarim finalchilar: Argentina, Angliya, Fransiya va Ispaniya.

Infantino 48 jamoa formatini “ulkan muvaffaqiyat” deb atadi: “Har bir jamoa yuqori darajada o‘ynadi. Afrika jamoalarining 10 tadan 9 tasi pley-off bosqichiga chiqdi. Bu barcha jamoalarni qamrab olish muhimligini ko‘rsatadi”.

2030 yilgi turnir bir necha qit’ada o‘tkaziladi: dastlabki uch o‘yin Urugvay, Argentina va Paragvayda, qolganlari Marokash, Portugaliya va Ispaniyada bo‘lib o‘tadi. 64 jamoaga kengayish Janubiy Amerika davlatlariga bitta o‘yin o‘rniga to‘liq guruh bosqichini o‘tkazish imkonini berishi mumkin.

Source: www.aljazeera.com