Mali armiyasi shimoldagi Anefis shahrini isyonchilardan qaytarib olish operatsiyasida 30 ga yaqin askar halok bo‘lgani va o‘nlab yaralangani haqida xabar berdi.

Tuareg separatistlari va al-Qoidaga aloqador guruh jangarilari 4 iyul kuni mamlakat bo‘ylab armiya pozitsiyalariga bir qator hujumlar uyushtirib, Anefisni egallab olgan edi.

Juma kuni armiya strategik Kidal shahridan 100 km uzoqlikdagi shaharni deyarli bir haftalik janglardan so‘ng nazoratga olganini e’lon qildi. Armiya boshlig‘i general Jan Elize Dao davlat televideniyesida “30 ga yaqin odamni, 30 nafar shahidni yo‘qotganimdan afsusdaman”, dedi va 60 ga yaqin kishi yaralangani, ba’zilari og‘ir ahvolda ekanini qo‘shimcha qildi.

Uning izohlari tuareg boshchiligidagi Azavod Ozodlik Fronti (FLA) armiya va uning ittifoqchisi rus yollanma askarlariga qarshi jangda eng yaxshi jangchilarining bir qismini yo‘qotgani, ammo “mintaqadagi tarixidagi eng og‘ir moddiy va insoniy yo‘qotishlarni” yetkazgani haqidagi bayonotidan bir kun keyin keldi.

Harbiy boshqaruvdagi Mali o‘n yildan ortiq vaqt davomida xavfsizlik, siyosiy va gumanitar inqiroz bilan kurashmoqda. Al-Qoidaga aloqador Jama’at Nusrat al-Islom val-Muslimin mamlakatning qishloq hududlarini nazorat qiladi, FLA esa shimoliy Malida mustaqil davlat barpo etishga intiladi.

Source: www.aljazeera.com