Polsha prokuraturasi 18 yoshli ukrainalik yigitni Rossiya razvedkasi topshirig‘i bilan sabotaj qilishda aybladi. U 2024-yil noyabridan 2025-yil avgustigacha 47 ta jinoyat sodir etgan.

Illia K ismli gumonlanuvchi Polsha va Ukraina o‘rtasida etnik ziddiyatlarni qo‘zg‘atish maqsadida Volin qirg‘ini qurbonlari yodgorliklarini tahqirlagan. Polsha Ichki Xavfsizlik Agentligi (ABW) uning maqsadi ikki davlat o‘rtasidagi munosabatlarni keskinlashtirish ekanini ta’kidlagan.

Prokuratura ma’lumotlariga ko‘ra, u moliyaviy sabab bilan harakat qilgan, ammo aksariyat jinoyatlar xorijiy razvedka manfaati uchun sodir etilgan. Gumonlanuvchi Rossiya va Xitoyda ro‘yxatdan o‘tgan kriptovalyutalardan foydalangan.

U 2024-yil 15-avgustdagi Polsha Qurolli Kuchlari kuni paradida prezident Karol Navrotskiyning mashinasi ustidan dron uchirishga tayyorgarlik ko‘rgan. Ammo tadbirdan uch kun oldin hibsga olingan.

Illia K, shuningdek, Varshava getto qahramonlari yodgorligi va Volin qirg‘ini qurbonlari yodgorliklarini UPA shiorlari bilan buzgan. U aybdor topilsa, umrbod qamoq jazosiga hukm qilinishi mumkin.

Volin qirg‘ini 1943-1945 yillarda UPA tomonidan 100 mingga yaqin polshalikning o‘ldirilishi bo‘lib, bu ikki davlat o‘rtasidagi munosabatlarni hali ham murakkablashtirmoqda. Ukraina prezidenti Zelenskiy UPA sharafiga harbiy qism nomlaganidan so‘ng, Polsha unga Oq Burgut ordenini bekor qilgan.

Source: www.bbc.co.uk