Kontroversial influencer Andrew Teyt va uning ukasi Tristan Teyt AQShda hibsga olindi. Buyuk Britaniya Qirollik prokuratura xizmati (CPS) ularga qarshi 38 ta yangi ayblov e'lon qildi.

Andrew Teytga nisbatan yana 7 ta zo'rlash, jinsiy savdo va bolalar pornografiyasi bilan bog'liq ayblovlar qo'yilgan. Tristan Teyt esa ikkita zo'rlash va uchta jinsiy ekspluatatsiya uchun odam savdosi ayblovlariga duch kelmoqda.

Umumiy hisobda birodarlarga qarshi ayblovlar soni 59 taga yetdi. Huquqni muhofaza qilish organlari ma'lumotlariga ko'ra, jinoyatlar 2010-yil iyulidan 2017-yil avgustigacha sodir etilgan.

CPS maxsus jinoyatlar bo'limi rahbari Malkolm MakHaffining so'zlariga ko'ra, yangi ayblovlar Bedfordshire politsiyasidan qo'shimcha dalillar olinganidan keyin qabul qilingan va jabrlanuvchilar soni yettitaga yetgan.

AQSh marshallari Teytlarni hibsga olinganini tasdiqladi. AQSh Adliya vazirligi matbuot kotibi hibsga olish "ekstraditsiya jarayoni doirasida" amalga oshirilganini ma'lum qildi.

Teytlarning advokati Jozef Makbrayd yangi ayblovlarni "siyosiy hujum" deb atadi va ularning mijozlari aybsiz ekanini ta'kidladi. Uning so'zlariga ko'ra, bu ayblovlar birodarlarning AQShdagi tuhmat bo'yicha da'vosiga javoban qilingan.

Jabrlanuvchilarning advokati Mett Jyuri esa ayblovlarni olqishlab, "Endi ular adolat oldida javob berish vaqti keldi" dedi.

Source: www.bbc.co.uk