Isroil tomoni Gretsiyadan noqonuniy ravishda olib chiqib ketilgan 22 ta qadimiy artefaktni qaytargani ma'lum bo'ldi. Ushbu madaniy almashinuv har ikki davlat o'rtasidagi so'nggi paytlarda mustahkamlanib borayotgan aloqalar fonida amalga oshirilgani aytilmoqda.

Afinadagi Milliy arxeologiya muzeyida bo'lib o'tgan marosimda Gretsiya Madaniyat vaziri Lina Mendoni ob'ektlarni Isroil Qadimiy yodgorliklar boshqarmasidan qabul qilib oldi. Biroq, Gretsiya va Isroil rasmiylari ushbu qadimiy ashyolar Isroilda qanday qilib topilgani yoki ularning Gretsiyadan noqonuniy olib chiqib ketilishi tafsilotlari bo'yicha hech qanday izoh bermadi.

Isroilning Gretsiyadagi elchisi Pninat Yanayning ta'kidlashicha, ushbu buyumlar Isroil Qadimiy yodgorliklar boshqarmasining O'g'riliklarning oldini olish bo'limi tomonidan aniqlangan. Ushbu kolleksiyaga miloddan avvalgi 700-yildan 320-yilgacha bo'lgan davrga oid 15 ta Attika vazasi, 6 ta Korinf vazasi va bronzadan yasalgan ayol haykalchasi kiritilgan.

Ta'kidlanishicha, isroilcha rejim va Gretsiya so'nggi yillarda energiya va mudofaa sohasidagi hamkorlikni sezilarli darajada kuchaytirgan. Xususan, avgust oyida Isroil Gretsiyada "Axilles qalqoni" deb nomlangan ko'p qatlamli havo mudofaa tizimini qurish bo'yicha 3,5 milliard dollarlik yirik mudofaa shartnomasini imzolagani e'lon qilingan edi.

Source: www.aljazeera.com