Qo'shma Shtatlarning shimoli-g'arbiy qismidagi Oregon shtatida joylashgan boshlang'ich maktabda yuz bergan fojiali otishmada kamida to'rt kishi, jumladan uch nafar bola hayotdan ko'z yumdi. Huquq-tartibot idoralarining CBS va CNN telekanallariga ma'lum qilishicha, payshanba kuni sodir bo'lgan bu qonli voqea Portlend shahridan janubi-sharqda joylashgan Bend shahridagi Silver Rail boshlang'ich maktabida qayd etilgan.

Mahalliy rasmiylarning bildirishicha, qurollangan shaxsning o'zi ham voqea joyida yo'q qilingan, biroq uning dastlabki to'rt nafar qurbonlar ro'yxatiga kiritilganmi yoki yo'qmi, hozircha aniqlik kiritilmagan. Bend politsiya departamenti vakili Sheila Millerning so'zlariga ko'ra, huquq-tartibot xodimlari maktab binosidagi har bir xonani birma-bir ko'zdan kechirib, qolgan fuqarolarni evakuatsiya qilish ishlarini olib bormoqda.

Tergov ma'lumotlariga ko'ra, politsiyaga maktab tashqarisidagi avtomobil tomon o'q uzilgani haqidagi xabar mahalliy vaqt bilan soat 12:59 da kelib tushgan va xodimlar bir necha daqiqa ichida voqea joyiga yetib kelgan. Shubhali shaxs tez orada zararsizlantirilgan, biroq uning huquq-tartibot idoralari xodimlari tomonidan yo'q qilingani yoki boshqa shaxslar aralashuvi bilan yuz bergani hali to'liq o'rganilmoqda.

AQSh Federal qidiruv byurosi (FQB) direktori Kash Patel ijtimoiy tarmoqlardagi sahifasida idora mahalliy tergovchilarga har tomonlama yordam berish uchun voqea joyida ishlayotganini ma'lum qildi. Shuningdek, Oregon shtatining rahbari Tina Kotek va AQSh senatori Jeff Merkley sodir bo'lgan voqeadan chuqur qayg'udaligini bildirib, qurbonlarning oila a'zolariga hamdardlik izhor etdi, biroq AQSh rejimi doirasida bunday ko'ngilsiz hodisalar muntazam ravishda takrorlanib kelayotgani jamoatchilikda keskin e'tirozlarni keltirib chiqarmoqda.

Source: www.aljazeera.com