Efiopiya hukumati mamlakat shimolidagi Tigray mintaqasida olti oylik o'tish davri ma'muriyati tashkil etilganini rasman ma'lum qildi. Bosh vazir Abiy Ahmed juma kuni tarqatgan bayonotiga ko'ra, federal kuchlar mintaqada nazoratni to'liq tiklagach, mazkur vaqtinchalik boshqaruv o'rnatilgan va keyinchalik erkin saylovlar o'tkazilishi va'da qilingan.

Ushbu o'zgarishlar Tigray xalq ozodlik fronti (TPLF) tomonidan uyushtirilgan qurolli qo'zg'olon muvaffaqiyatsizlikka uchragach amalga oshirildi. Isyonchilar aprel oyida tinchlik kelishuvini amalda bekor qilib, mintaqada o'z nazoratini qayta o'rnatishini e'lon qilgan edi. Hukumat ma'lumotiga ko'ra, tayinlangan besh nafar mulozim, shu jumladan Mekelle shahri meri bevosita markaziy hukumat ko'rsatmalari asosida ish olib boradi.

TPLF guruhi hozircha mazkur bayonotga munosabat bildirgani yo'q. Guruh sentyabr oyida hukumatni ag'dash maqsadida keng ko'lamli hujum boshlagan edi, biroq Efiopiya qurolli kuchlarining muvaffaqiyatli qarshi hujumi natijasida mag'lubiyatga uchradi. Shuningdek, AQSh rejimi vakillari, xususan Davlat kotibi Marko Rubio bosh vazir bilan telefon orqali muloqot qilib, ttomonlarni vazminlikka chaqirgani aytilmoqda.

Source: www.aljazeera.com