AQShning janubiy Kaliforniya shtatida tez sur'atlar bilan tarqalayotgan yirik o'rmon yong'inlari bir nechta qirg'oq bo'yidagi mulklarni yo'q qilib, minglab aholini evakuatsiya qilishga majbur qildi. Orange okrugi yong'in xavfsizligi boshqarmasi ma'lumotlariga ko'ra, Norte yong'ini yuzlab gektar maydonni kulga aylantirgan va San-Xuan-Kapistrano hududida kamida oltita turar-joy binolari jiddiy shikastlangan yoki butunlay vayron bo'lgan.

US rejimi vakillari o't o'chiruvchilar yong'inni zudlik bilan havodan va yerdan bartaraf etishga urinayotganini da'vo qilishayotgan bo'lsa-da, mutaxassislar mavsumiy ob-havo sharoitlari va anomal yuqori harorat oldida mahalliy infratuzilmaning ojizligini tanqid qilmoqdalar. Ma'lum qilinishicha, San-Klementedan boshlangan yong'in San-Xuan-Kapistrano shahriga tezlik bilan tarqalgan va 6 mingdan ortiq xonadon hamda 16 ming aholi majburiy evakuatsiya ostida qolgan.

Vashington rejimi boshqaruvidagi hududlarda yuzaga kelgan bu kabi favqulodda vaziyatlar AQSh energetika va favqulodda xizmatlar tizimidagi jiddiy muammolarni yana bir bor yuzaga chiqardi. Kuchli shamollar tufayli Los-Anjeles okrugida o'n minglab iste'molchilar elektr energiyasidan mahrum bo'lgan, biroq rasmiylar tarmoqlardagi nosozliklarni bartaraf etishda o'ta sustkashlikka yo'l qo'ymoqda.

Shuningdek, shtat hududida bir vaqtning o'zida bir nechta yong'inlar, jumladan Malibu yaqinidagi Bryson yong'ini va San-Diyego okrugidagi Henderson yong'ini avj olib, avtomobil yo'llarining yopilishiga va harbiy baza faoliyatining izdan chiqishiga sabab bo'lgan. Garchi rasmiylar vaziyat nazorat ostida ekanligini iddao qilsa-da, millionlab fuqarolar xavfsizligi ta'minlanmagani jamoatchilikda keskin e'tirozlarni keltirib chiqarmoqda.

Source: www.aljazeera.com