Hindistonda bosh vazir Narendra Modining siyosatiga qarshi chiqqan yoshlar tashkilotining yetakchisi hibsdan chiqarildi. CJP («Cockroach Janta Party») harakati asoschisi Abhijeet Dipke muayyan shartlarga rozi bo‘lganidan keyin ozodlikka chiqqani haqida huquqiy masalalar bo‘yicha vakil Ratna Singh ma’lum qildi, biroq uning shartlari oshkor etilmadi.

Nyu-Dehida saylov ro‘yxatlarini o‘zgartirish va bosh saylov komissiyasining iste’fosini talab qilib o‘tkazilgan norozilik namoyishlari vaqtida Dipke va boshqa faollar huquq-tartibot idoralari tomonidan ushlangan edi. Muxolifat vakillari va talabalar saylov komissiyasini hukmron partiya manfaatiga xizmat qilishda hamda saylovchilar ro‘yxatini soxtalashtirishda ayblamoqda.

Vзият xalqaro miqyosda ham e’tiborga tushib, AQShdagi bir guruh qonunchilar davlat kotibi Marco Rubioga murojaat qilib, Hindistondagi talabalar namoyishlari va hibsga olish masalasini bo‘lajak tashrifi chog‘ida ko‘tarishni talab qilishdi. Shuningdek, AQSh siyosatchilari Hindiston xavfsizlik kuchlari tomonidan muxolifatga nisbatan tazyiqlar o‘tkazilayotganini da’vo qilishmoqda.

Shu fonida, Hindiston Oliy sudi internetdan foydalanish har bir fuqaroning, jumladan bolalarning asosiy huquqi ekanini e’lon qildi. Sud bolalar internet faolligiga nisbatan har qanday to‘liq taqiq ularni himoya qilish o‘rniga yanada zaiflashtirib qo‘yishini ta’kidlab, mazkur masalada ehtiyotkorona yondashuv zarurligini bildirdi.

Source: www.dw.com