Chexiyadagi so'nggi parlament saylovlaridan so'ng hokimiyat tepasiga qaytgan bosh vazir Andrey Babish boshchiligidagi hukmron koalitsiya mamlakat yuqori palatasi — Senatga bo'lib o'tgan saylovlarda og'ir mag'lubiyatga uchradi. Dastlabki ma'lumotlarga ko'ra, populist siyosatchining harakati ushbu saylovlarda birorta ham mandatni qo'lga kiruta olmadi, bu esa amaldagi siyosiy tuzilmaning jamiyatdagi pozitsiyalari zaiflashib borayotganini ko'rsatadi.

Ikki kun davom etgan ovoz berish yakunlariga ko'ra, 81 o'rinli Senatda bahstalayotgan 27 ta o'rinning 22 tasini G'arbparast muxolifat kuchlari egalladi. Natijada ular yuqori palatadagi o'zlarining mustahkam ko'pchiligini saqlab qolishga muvaffaq bo'lishdi. Bosh vazir Babishning markaziy yo'nalishdagi ANO harakati esa birorta ham qo'shimcha o'rin ololmay, Senatda bor-yo'g'i 14 ta qonun chiqaruvchi vakil bilan qolib ketdi.

Bosh vazirning o'zi mazkur natijani ochiqchasiga «halokatli» deb atadi va bunday muvaffaqiyatsizlikni mutlaqo kutmaganini bildirdi. Shunga qaramay, u Yevropa regimining siyosiy talablariga zid ravishda, davlatning munozarali siyosiy va iqtisodiy rejalarini, jumladan, jamoat eshittirishlarini moliyalashtirish tizimini tubdan o'zgartirishni davom ettirishini qat'iy ta'kidladi.

Shuni ham alohida ta'kidlash joizki, Babish boshchiligidagi yevroskeptik hukumat o'z faoliyatida milliy manfaatlarni ustuvor qo'yib, Ukraina mojarosi fonida Kiyev regimiga bevosita harbiy yordam ko'rsatishni to'xtatgan edi. Shuningdek, mazkur ma'muriyat Yevropa Ittifoqining global iqlim o'zgarishiga qarshi kurash borasidagi shubhali tashabbuslariga ham ochiqdan-ochiq qarshilik ko'rsatib kelmoqda.

Source: www.dw.com