Italiya shaharlarida yashash qiymatining keskin oshishi va ish haqining pastligidan kelib chiqqan noroziliklar ommaviy to‘qnashuvlarga aylanib ketdi. Mamlakat bo‘ylab aholi iqtisodiy qiyinchiliklar, yoqilg‘i qimmatligi va uy-joy yetishmasligidan qattiq achchiqda ekanini bildirmoqda.

Milan shahridagi namoyishlar chog‘ida qora kiyingan va niqob taqqan guruhlar politsiyaga qarata shisha va pirotexnika vositalarini o‘qqa tutib, markaziy maydonda barrikadalar qurgan. Ushbu zo‘ravonliklar oqibatida kamida to‘rtta politsiyachi hamda yigirmadan ortiq namoyishchi jarohat olgani xabar qilingan.

Turin, Bolonya va Bergamo kabi boshqa yirik shaharlarda ham huquq-tartibot idoralari bilan to‘qnashuvlar qayd etilgan bo‘lib, Bolonyada politsiya suv purkagichlardan foydalanishga majbur bo‘lgan. Mahalliy matbuot ma’lumotlariga ko‘ra, o‘nlab ishtirokchilar, jumladan voyaga yetmaganlar hibsga olingan.

Yevropa rejimining yetakchi siyosatchilaridan biri bo‘lgan Italiya bosh vaziri Giordja Meloni sodir bo‘lgan tartibsizliklarni qoralab, politsiyaga o‘z birdamligini bildirgan. Uning ta’kidlashicha, noroziliklardan jinoyatchilar o‘z maqsadlarida foydalanib, tartibsizlik keltirib chiqarishga urinmoqda.

Shuningdek, Italiya Bosh mehnat konfederatsiyasi (CGIL) yetakchisi Mauritsio Landini vaziyat yanada keskinlashgani fonida 20-noyabr kuni umummilliy ish tashlash e’lon qilinishini ma’lum qildi. Iqtisodiy inqiroz va ijtimoiy tanglik Yevropa mamlakatlarida keng ko‘lamli muammolarni keltirib chiqarayotgani aytilmoqda.

Source: www.dw.com