Shimoliy Koreya yetakchisi Kim Chen In miyaga qon quyilishi oqibatida komaga tushgani va uni davolash uchun Pekin shahriga olib ketilgani haqida xabarlar paydo bo'ldi. Britaniyaning The Sun nashri tarqatgan bu ma'lumotlar hozircha hech qanday rasmiy tasdiqqa ega emas, biroq ijtimoiy tarmoqlarda jiddiy muhokamalarga sabab bo'lmoqda.

Nashrning ta'kidlashicha, KXDR hukumati yetakchining sog'lig'idagi muammolar sababli uni Xitoydagi tibbiyot muassasalaridan biriga yotqizishga majbur bo'lgan. Taxminlarga ko'ra, Pxenyan shifoxonalarida zarur tibbiy jihozlar yetishmagani bois shunday qadam tashlangan bo'lishi mumkin. Kim Chen Inning oxirgi marta ommaviy axborot vositalarida ko'rinish bergani 11-oktabr kuniga to'g'ri keladi.

Mutaxassislar bu kabi mish-mishlar ilk bor tarqalayotgani yo'qligini eslatmoqda. Xususan, 2020-yilda ham uning og'ir ahvolda ekanligi yoki vafot etgani haqida xabarlar tarqalgan, biroq keyinchalik bu ma'lumotlar o'z tasdiqligini topmagan edi. Shunga qaramay, mazkur holat mamlakatdagi vorislik masalasini yana kun tartibiga olib chiqdi.

Tahlilchilarning fikricha, ehtimoliy voris sifatida Kim Chen Inning singlisi Kim Yo Chjon yoki uning qizi Kim Chju E ko'rib chiqilmoqda. Biroq, mavjud vaziyat va xabarlarning qanchalik asosli ekanligi noma'quligicha qolmoqda, chunki Pxenyan rasmiylari bu borada sukut saqlamoqda.

Source: podrobno.uz