Yaponiyaning shimolidagi Ivate prefekturasida ikkita yirik o‘rmon yong‘ini sodir bo‘ldi. Yong‘inlar uch kundan beri davom etmoqda va 700 gektardan ortiq maydonni qamrab olgan.

Mahalliy hukumat ma’lumotlariga ko‘ra, 1541 xonadon va 3233 kishi evakuatsiya qilishga majbur bo‘ldi. Otsuchi shahri aholisining uchdan bir qismi xavfsiz joyga ko‘chirildi.

O‘t o‘chiruvchilarning 1000 dan ortig‘i yong‘inni o‘chirish uchun kurashmoqda. Ommaviy axborot vositalarining xabar berishicha, bu yong‘in Yaponiya tarixidagi eng yirik o‘rmon yong‘inlari orasida uchinchi o‘rinda turadi.

Yong‘inlar Yaponiyada qishning tobora quruq bo‘lib borayotgan bir paytda sodir bo‘ldi. O‘tgan yili xuddi shu Ivate prefekturasidagi Ofunato shahrida 3370 gektar maydonni qamrab olgan yong‘in yarim asrdagi eng yirik yong‘in bo‘lgan edi.

Olimlar uzoq vaqtdan beri inson faoliyati, jumladan, qazib olinadigan yoqilg‘ilarni yoqish natijasida yuzaga keladigan iqlim o‘zgarishi qurg‘oqchilik davrlarini kuchaytirib, o‘rmon yong‘inlari uchun qulay sharoit yaratayotgani haqida ogohlantirib kelmoqda.

Source: www.dw.com