Myanma davlat matbuoti xabariga ko‘ra, hibsda saqlanayotgan sobiq rahbar Aung San Suu Kyi uy qamog‘iga o‘tkazilgan. 80 yoshli Nobel mukofoti sovrindori 2021 yilgi harbiy to‘ntarishdan beri, ehtimol, poytaxt Neypidodagi harbiy qamoqxonada saqlanayotgan edi.

Harbiy to‘ntarishni amalga oshirgan general Min Aung Hlaingning bayonotiga ko‘ra, uning qolgan jazosi “belgilangan turar joyda o‘tash” bilan almashtirilgan. Aung San Suu Kyi 2015 yilda demokratik islohotlardan so‘ng hokimiyatga kelgan, avval esa 15 yildan ortiq uy qamog‘ida bo‘lgan.

Davlat matbuoti uning ikki harbiy xizmatchi bilan suratini e’lon qilgan. O‘g‘li Kim Aris bu xabarga shubha bilan qaraydi va onasining tirikligiga isbot yo‘qligini aytadi. “Umid qilamanki, bu haqiqat. Ammo mustaqil tasdiq bo‘lmaguncha, ishonmayman”, degan u BBC’ga.

Advokatlar ham uy qamog‘i haqida rasmiy xabar olmagan. Aung San Suu Kyi 2021 yil may oyidagi sud majlisidan beri ko‘rinmagan edi. Uning 33 yillik jazosi bir necha marta qisqartirilgan.

Tahlilchilarning fikricha, bu harbiy hukumatning xalqaro izolyatsiyadan chiqish istagi bilan bog‘liq bo‘lishi mumkin. Aung San Suu Kyi 1991 yilda Tinchlik bo‘yicha Nobel mukofotini olgan, ammo Rohingya musulmonlariga qarshi genotsid ayblovlarini himoya qilgani uning obro‘siga putur yetkazgan.

Source: www.bbc.com