Toshkentning Mirzo Ulug'bek tumani, Yuzrobot ko'chasi bo'ylab avtobus bekati va piyodalar o'tish joyi yonida ko'p yillik daraxt qulab, yo'lning bir qismini to'sib qo'ydi.

Hodisa haqida ijtimoiy tarmoqlarda mahalliy aholi xabar berdi. Ularning taxminiga ko'ra, daraxtning qulashiga kuchli shamol sabab bo'lgan.

Mirzo Ulug'bek tumani hokimligi vaziyatni izohlab, mas'ul idoralar hodisa joyini zudlik bilan o'rganganini ma'lum qildi. Tekshiruv natijasida daraxt tabiiy omillar ta'sirida sinib qulaganligi aniqlandi.

Hodisa oqibatida fuqarolar va ularning mol-mulki zarar ko'rmagan. Hozirda qulagan daraxtni olib tashlash va hududni tartibga keltirish ishlari olib borilmoqda.

Source: podrobno.uz