Toshkentda tashkil etilgan yangi ixtisoslashtirilgan maktab-internatda bolalarga zamonaviy texnologiyalar va chet tillarini o‘rgatish, shu bilan birga ularni ona tili va madaniyatidan uzmaslik tamoyili joriy etilmoqda. Bu muassasa faoliyati bilan Prezident administratsiyasi rahbari Saidaxon Mirziyoyeva tanishdi.

Joriy yilda mazkur maktab-internatda 260 dan ortiq iqtidorli o‘g‘il va qiz ta’lim olishni boshladi. Asosiy e’tibor STEM yo‘nalishiga — matematika, fizika, kimyo, biologiya va axborot texnologiyalariga qaratilgan. O‘quvchilar ushbu fanlarni chuqur o‘rganish bilan birga, loyihalar ustida ishlaydilar, bilimlarini amaliyotda qo‘llaydilar va mustaqil tadqiqotlar olib boradilar.

Yana bir muhim yo‘nalish — chet tillari. Ingliz va xitoy tillari kuchaytirilgan rejimda o‘qitiladi. Shu bilan birga, o‘quv dasturida ona tili, tarix, adabiyot va O‘zbekiston madaniyati muhim o‘rin tutadi.

“Bolalarga zamonaviy ta’lim va kelajak uchun imkoniyatlar berish, shu bilan birga o‘z yurti va madaniyati bilan mustahkam aloqani saqlab qolish” — aynan shunday yondashuvni Saidaxon Mirziyoyeva o‘ziga yaqin deb atadi.

Source: podrobno.uz