O‘zbekiston, Toshkent – AN Podrobno.uz. Joriy yilning birinchi choragida Kiberxavfsizlik markazi mutaxassislari 100 dan ortiq veb-resurslarni ekspertizadan o‘tkazdi. Tekshiruv natijalariga ko‘ra, 252 ta zaiflik aniqlangan bo‘lib, ulardan 169 tasi davlat organlarining saytlariga to‘g‘ri keladi.

Eng keng tarqalgan muammolar xavfsizlik tizimlarining noto‘g‘ri konfiguratsiyasi (76 ta holat), kirish nazoratining buzilishi (44), “in‘eksiya” tipidagi zaifliklar (37), xavfsiz dizayn (32), identifikatsiya va autentifikatsiya xatolari (21), shuningdek, dasturiy ta’minot yetkazib berish zanjiridagi uzilishlar (17) bilan bog‘liq.

Mutaxassislar ta’kidlashicha, axborot tizimlarining kiberxavfsizligini ta’minlash va tarmoq infratuzilmasining barqaror ishlashi davlat organlari va tashkilotlari uchun majburiy talab hisoblanadi. Tegishli normalar qonunchilikda mustahkamlangan.

Aniqlangan kamchiliklar munosabati bilan mas’ul tuzilmalarga raqamli resurslarni himoya qilishni kuchaytirish va topilgan zaifliklarni bartaraf etish tavsiya etildi.

Avvalroq Kiberxavfsizlik markazi xodimlarning ma’lumotlari sizdirilgani haqidagi xabarlarni rad etgan edi.

Source: podrobno.uz